Бахмут йўналишидаги снайперлар уруш тактикасини ўзгартирмоқда
Украина жанг майдонидаги технологик инқилоб замонавий урушга ёндашувларни ўзгартирди. Дронлар ва бошқа кузатув тизимлари фронтнинг Бахмут йўналишидаги снайперларнинг тактикасини ҳам ўзгартирмоқда.
Антон 2014 йилдан бери урушда. У Донецк аэропорти учун жанглардан ўтган. Демобилизация қилиниб, Антон олти ойдан кейин яна фронтга қайтди.
Мерганлар уруш давомида қанча душман аскарини йўқотганини сўрамасликни илтимос қилишди.
Снайперларнинг таъкидлашича, сўнгги ойларда Россия армиясининг анча малакаси ошган
Украина Қуролли Кучлари Бош штаби: Россиянинг Авдиивка яқинидаги ҳужумлари қайтарилди
Украина Қуролли кучлари Бош штаби 11-октабр куни эрталабки ҳисоботида россиялик қўшинлар уч батальон билан охирги 24 соат ичида Донецк вилоятининг Авдеевка ҳудудида фаол илгарилаб боргани ҳақида хабар берди. Украина ҳарбийлари барча ҳужумларни қайтарди ва “чегара ва позицияларни йўқотишга йўл қўймади”, дейилади ҳисоботда.
Россия қўшинлари ўтган феврал ойида Украинага кенг кўламли босқин бошланганидан бери эгаллаб олишга уринаётган шаҳар вайроналари Донетск чеккасидан бир неча километр шимолда жойлашган.
Авдеевка яқинидаги воқеалар Россиянинг расмий хабарларида ҳали қайд этилмаган.
Россиянинг Херсон ва Днепропетровскни ўққа тутиши: ярадорлар бор
Кеча тунда Украинанинг Харков, Суми, Полтава ҳамда Донецк ва Николаев вилоятларида Россия тактик авиациясининг рейдлари туфайли ҳаводан огоҳлантириш эълон қилинди. Бу ҳақда Украина Ҳарбий-ҳаво кучлари хабар берди.
Охирги 24 соат ичида Россия армияси иккита ракета ва 76 та ҳаво ҳужумини амалга оширди.
Днепропетровск вилоятининг Никопол тумани ва Херсон вилоятида кучли артиллерия ўқлари натижасида икки нафар аёл тан жароҳати олди, ётоқхона, бешта кўп қаватли уй, иккита маъмурий бино ва бир корхона зарар кўрди.
Украина президенти Владимир Зеленский Брюсселга етиб келди
У ерда Россиянинг кенг миқёсли босқинчилиги бошланганидан бери биринчи марта НАТО штаб-квартирасига ташриф буюрди.
Украина президенти НАТО бош котиби Йенс Столтенберг ва АҚШ мудофаа вазири Ллойд Остин билан музокаралар ўтказади, шунингдек, матбуот билан мулоқот қилди.
НАТО Бош котиби Йенс Столтенберг қўшимча қилдики, НАТО давлатлари Украинанинг саъй-ҳаракатларини қўллаб-қувватлаш учун ўқ-дорилар ишлаб чиқаришни кўпайтирмоқда, ҳозирда 2,4 миллиард долларлик доиравий шартнома имзоланган, шундан бир миллиарди қатъий контрактлар.
Бугун Брюсселда Украина иттифоқчиларининг Рамштейн форматидаги учрашуви, шунингдек, НАТОга аъзо давлатлар мудофаа вазирлари йиғилиши ва Украина-НАТО кенгашининг йиғилиши бўлиб ўтади.
Бир кун олдин Германия Мудофаа вазирлиги Украинага умумий қиймати қарийб 1 миллиард евро бўлган янги, “қишки” ҳарбий ёрдам пакетини эълон қилди. Хусусан, у ҳаво ҳужумидан мудофаа тизимлари, жумладан Патриот ва ИРИС-Т тизимлари, ўнта Леопард 1А5 танклари, учта Гепард зенит-ўзиюрар қуроллари ва ўн бешта зирҳли техникани ўз ичига олади.
Буюк Британия Мудофаа вазири Грант Шаппс чоршанба куни Украинага 100 миллион фунт стерлингдан ортиқ ҳарбий ёрдам пакетини эълон қилиши кутилмоқда. У Украинанинг асосий инфратузилмасини ҳимоя қилиш учун миналардан тозалаш, жиҳозларни сақлаш ва мудофаа тузилмаларини мустаҳкамлаш воситаларини ўз ичига олади. Белгия мудофаа вазири Лудивине Дендондер мамлакат ҳукумати 2025 йилдан бошлаб Украинага Ф-16 қирувчи самолётларини юборишни бошлашини айтди. Дендондер Белгия Украинага аниқ қанча самолёт жўнатмоқчи эканлигига аниқлик киритмади.
Аввалроқ Ғарб давлатлари Украинага 50 га яқин Ф-16 қирувчи самолётларини етказиб беришга ваъда берган эди