Италия мудофаа вазири Дубайда қолиб кетди
Италия мудофаа вазири Гвидо Крозетто, АҚШ ва Исроилнинг Эронга зарбаларидан сўнг парвозлар тўхтатилгани боис, оиласи билан Дубайда қолиб кетди.
Reuters агентлигининг хабар қилишича, вазир жума кечқурун Римдан фуқаролик рейсида Дубайда таътилда бўлган оиласи ёнига йўлга чиққан эди. У шанба кундуз Италияга қайтишни режа қилганди.
Ҳозир Дубайга ва Дубайдан парвозлар номаълум муддатга тўхтатилган.
Оқ Уй: Трамп ва Нетаньяҳу телефонда гаплашди
АҚШ Президенти Доналд Трамп бугун Исроил Бош вазири Бенямин Нетаняҳу билан телефон орқали гаплашди.
Бу ҳақда Оқ Уй матбуот котиби Каролайн Левиттнинг маълум қилишича, маъмурият Эрондаги вазиятни, миллий хавфсизлик жамоаси билан, яқиндан кузатишда давом этмоқда.
Эрон ОАВ: 200 дан ортиқ одам ўлган
Эрон оммавий ахборот воситалари хабар беришича, АҚШ ва Исроил зарбаларида 201 киши ҳалок бўлган ва 747 киши жароҳатланган.
Исроилнинг фавқулодда хизматлари 94 нафар яраланган борлиги ҳақида маълумот берди, улар орасида ракета парчасидан жароҳатланган ўсмир ҳам борлиги айтилди.
Исроил томонига кўра, ҳозирга қадар 89 киши енгил жароҳатлан олган.
Reuters: Ислом Инқилобий Қўшини қўмондони ўлган бўлиши мумкин
Рейтерс агентлининг Исроил ҳарбий операцияларига яқин икки манба ва бир минтақавий манбага таяниб хабар қилишича, Эрон мудофаа вазири Амир Насирзода ва Ислом Инқилобий Қўшини қўмондони Муҳаммад Пакпурлар Исроил зарбаларида ўлган бўлиши мумкин.
Сал аввал The Times of Israel нашри Эроннинг бу икки мулозими ва разведка раҳбари ўлган, деб хабар қилган эди.
