Баҳрайн ва Дубайда гувоҳлар олган видеолар тармоқда тарқалди
Баҳрайнда дроннинг кўп қаватли уйга урилишини акс этган ва гувоҳлар томонидан олинган видеолар ижтимоий тармоқларда ёйилмоқда.
Видеоларда бинонинг юқори қаватларидаги бир неча хонадон ёнгани кўринади. Дастлабки маълумотларга кўра, бир неча киши жароҳатланган, деб хабар бермоқда Shot Телеграм канали.
Бу эса Дубай осмонидаги манзара:
Яқин Шарқдаги ўзбекистонликларга тезкор ёрдам
Яқин Шарқдаги ўзбекистонликлар учун Ўзбекистон хориждаги ваколатхоналари фавқулодда алоқа рақамлари ва ишонч телефонлари эълон қилинди:
Тошкент аэропортида қатор рейслар бекор қилинди
Эрон ва Исроилнинг ҳаво майдони ёпилгани сабабли, Тошкентдан бир қатор халқаро рейслар вақтинча амалга оширилмаяпти.
Минтақадаги ҳарбий-сиёсий кескинлик авиақатновга жиддий таъсир кўрсатмоқда.
Мавжуд маълумотларга кўра, БАА ва Саудия Арабистонига рейсларнинг бир нечаси бекор қилинган, шунингдек бу мамлакатлардан Тошкентга парвозлар ҳам тўхтаган, Жиддадан Тошкентга келаётган самолёт мажбурий равишда Жиддага қайтарилган.
Дубай — Тошкент йўналишидаги турли авиакомпания рейслари ҳам бекор қилиниши кутилмоқда.
Ўзбекистон ТИВ Яқин Шарқдаги янги зиддиятли ҳолатдан хавотирда
Ўзбекистон Ташқи ишлар вазирлиги Яқин Шарқдаги вазиятнинг кескин равишда таранглашуви ва минтақада янги зиддиятли ҳолат юзага келганидан жиддий хавотир билдирди.
"Барча томонларни вазминликка даъват этиб, нафақат ҳарбий-сиёсий, балки гуманитар жиҳатдан олдиндан кўриб бўлмайдиган оқибатларга олиб келиши мумкин бўлган хавфли кескинлашувга сабаб бўладиган кейинги қадамлардан тийилишга чақирамиз", дейилади баёнотда.
Эрон ОАВ ҳаво ҳужумларида 200 дан ортиқ одам ўлдирилгани, 750 га яқин одам жароҳатланганини билдирди. Булар орасида ўзбекистонликлар борми-йўқми - бу ҳақида ТИВ баёнотида ҳеч маълумот берилмади.