Линклар

Шошилинч хабар
29 март 2024, Тошкент вақти: 18:51

Ботир Зарипов Бухоро вилояти ҳокимлигига тасдиқланди


Ботир Зарипов ўтган йил ноябрида вилоят ҳокими вазифасини бажарувчи этиб тайинланган эди (Президент матбуот хизмати)
Ботир Зарипов ўтган йил ноябрида вилоят ҳокими вазифасини бажарувчи этиб тайинланган эди (Президент матбуот хизмати)

22 январь куни Халқ депутатлари Бухоро вилояти кенгашининг навбатдан ташқари сессиясида президент Мирзиёевнинг таклифи билан Ботир Зарипов вилоят ҳокими лавозимига тасдиқланди.

Сессия ишида қатнашган Мирзиёев вилоятда ишсизлик ва бошқа ижтимоий муаммолар йиғилиб қолганини танқид қилган.


“Мендан сизга Бухоронинг ривожланиши маъқулми, деб сўрасангиз айтаман – номаъқул. Вилоятда 2 миллионга яқин аҳоли бор. Лекин ишсизлик, муаммолар жуда кўп. Ҳокимлар халқ олдидаги менинг вакилим сифатида кўнгилдагидек ишлай оляптими? Энг катта муаммолардан бири, бу-кадрлар масаласи. Бухоро вилояти етакчисини танлаб олиши ҳам жуда муҳим”, дея президентнинг сўзларидан иқтибос келтирмоқда Kun.uz нашри.

Муқаддам “Ўзсаноатқурилишматериаллари” уюшмаси бошқаруви раиси лавозимида фаолият юритган Ботир Зарипов ўтган йил ноябрида вилоят ҳокими вазифасини бажарувчи этиб тайинланганди.

Вилоятнинг собиқ ҳокими Карим Камолов 2020 йил 22 августида коронавирус хасталигидан вафот этган.

XS
SM
MD
LG