Линклар

Шошилинч хабар
11 декабр 2018, Тошкент вақти: 14:52

Эҳтиёт бўлинг: ҳаво ҳарорати 45 даражага кўтарилиши кутилмоқда


Generic -- Sun, heat

Ўзбекистон Республикаси Гидрометеорология марказига таяниб, маҳаллий ахборот воситаларининг хабар қилишича, 19 июлдан бошлаб мамлакатнинг бир қатор вилоятларида ҳаво ҳарорати 45 даражагача кўтарилади.

18 июль куни Тожикистондан олинган хабарда бир деҳқон аёл иссиқдан ҳалок бўлгани айтилди.

Пайшанба куни Қорақалпоғистон Республикаси ва Хоразм вилоятида ҳаво бироз булутли бўлади, ёғингарчилик кузатилмайди. Шарқдан секундига 7-12 метр тезликда шамол эсади. Кечаси 23-28, кундузи 40-45 даража иссиқ бўлади.

Бухоро ва Навоий вилоятларида ҳаво кам булутли бўлади, ёғингарчилик кузатилмайди. Шарқдан секундига 7-12 метр тезликда шамол эсади. Кечаси 23-28, кундузи 40-45 даража иссиқ бўлади.

Тошкент, Самарқанд, Жиззах ва Сирдарё вилоятларида ҳаво кам булутли бўлади, ёғингарчилик кузатилмайди. Шарқдан секундига 7-12 метр тезликда шамол эсади. Кечаси 22-27, кундузи 38-43 даража иссиқ бўлади.

Қашқадарё ва Сурхондарё вилоятларида ҳаво кам булутли бўлади, ёғингарчилик кузатилмайди. Шарқдан секундига 7-12 метр тезликда шамол эсади. Кечаси 23-28, кундузи 40-45 даража иссиқ бўлади.

Андижон, Наманган ва Фарғона вилоятларида ҳаво бироз булутли бўлади, ёғингарчилик кузатилмайди. Шарқдан секундига 5-10 метр тезликда шамол эсади. Кечаси 22-27, кундузи 38-43 даража иссиқ бўлади.

ФВВ 19 июлдан бошлаб 5 кун ҳаво ҳарорати фавқулодда кўтарилиб кетиши тўғрисида огоҳлантирган эди.

Тожикистонлик Сайдинисо Шомирзоева, ӯғли Сафаралининг 16 июль куни Озодликка айтишича, онаси эрта тонгдан далага пахта чопиғига борган ва тўсатдан вафот этган.

“Иш пайтида онам тӯсатдан ҳушидан кетиб, жон берган. Шифокорлар бизга “онангизни юраги жуда иссиқ ҳавога чидолмаган” дейишди. Ӯша куни ҳаво ҳарорати 45 даражани ташкил этиши айтилганди,”-деди Сафарали. У онаси соғлом бўлгани, ҳеч қандай касалликдан шикоят қилмаганини айтди.

Сайдинисо Шомирзоева ҳар куни 3 километрлик масофани кесиб пахта даласига борарди.

Айтилишича, 19-23 июль кунлари республиканинг аксарият ҳудудларида ҳавонинг кундузги ҳарорати ўртача кўп йиллик кўрсаткичлардан 5–7 даражага юқорироқ бўлиб, 40–43 даражани ташкил этади.

Тожикистон Фавқулодда вазиятлар қӯмитаси қон босими юқори бӯлган, астма ва юрак касалига мубтало шахсларга иссиқ ҳавода заруратсиз кӯчага чиқмасликка тавсия бериб, жазирамада бундай касалликлар кучайиши ҳақида огоҳлангантирган.

Тожикистон гидрометерология станцияси маълумотига биноан, шу кунларда ҳавонинг кундузги ҳарорати Хатлон вилоятида 43 даража, Сӯғд вилоятида 42 даража ва Душанбе шаҳрида 41 даражагача қизиши кутилмоқда.

XS
SM
MD
LG