Ўзбекистон инсон ҳуқуқлари "Эзгулик" жамиятининг раиси, "Бирлик" Халқ ҳаракати партияси котибаси Васила Иноятова 19 май куни пешин намозидан кейин Тошкентдаги "Кўкча" қабристонига дафн этилди.
Таниқли ҳуқуқбон айни кун тонгида Тошкентдаги шифохоналардан бирида 62 ёшида вафот этган эди.
Озодлик бундан 11 йил олдин Васила Иноятова билан “Давр менинг тақдиримда” эшиттиришида суҳбатлашган. Қуйида ўша эшиттиришни тинглашингиз мумкин.
Озодлик Васила Иноятованинг яқинларига таъзия билдиради.