Линклар

Ҳукумат олийгоҳларга сиëсатшунослик фанини қайтариш таклифини кўриб чиқмоқда

  • Озодлик

2013 йили олийгоҳларда ўқитиш тугатилган сиëсатшунослик фанини қайта ўқув дастурга киритиш таклифи кўриб чиқилмоқда.¸ Озодлик суҳбалашган расмийларга кўра¸ ҳукумат ҳозирча бир қарорга келмаган. Айни пайтда мутахассислар¸ сиëсатшуносликнинг қайтарилиши¸ айниқса¸ давлат бошқарув сиëсатини ислоҳ қилиш уриниши даврида долзарб эканини таъкидламоқда.

Ўзбекистондаги айрим Интернет нашрлари ва ижтимоий тармоқларда сиëсатшунослик фанининг “реабилитация” бўлгани ва жорий ўқув йилидан бу фанни ўқитиш қайта бошланиши ҳақида норасмий хабарлар тарқади.

Мавзуни ўрганиш жараëнида Ўзбекистон Олий ва ўрта махсус таълим вазирлигининг Озодлик суҳбатлашган расмийлари¸ бу хабарларни на тасдиқлаш ва на инкор этиш вазиятида эканини билдирди.

“Бу фанни олий ўқув юртларининг тегишли йўналишларига қайтариш бўйича таклиф бор. Бу аниқ. Бу таклиф юзасидан тегишли қарор чиқариш Вазирлар Маҳкамасида қолган. Билишимча¸ Дипломатия¸ Жаҳон тиллари каби университетларда сиëсатшунослик фанидан дарсларни қайтариш ҳақида гап бўлаяпти. Лекин масала ҳали сиëсатшунослик йўналишини қайта очиб¸ унга талаба қабул қилишгача бориб етмади”¸ деди Олий таълим вазирлигининг Озодлик суҳбатлашган мутасаддиларидан бири.

Вазирликнинг ўқув дарсликлари режасини тузиш учун масъул бошқармаси расмийси эса¸ 2017-2018 йиллар учун ўқув режасининг аллақачон тасдиқлангани ва унга энди ўзгартиш киритилмаслигини таъкидлади.

“Бу йилги ўқув дастурига сиëсатшунослик деган фан киритилмаган. Бу йил киритилмайди ҳам. Келаси йилги ўқув режасига киритишга оид ҳозирча қўлимизда ҳеч қандай расмий кўрсатма ҳам йўқ”¸ деди олий ўқув юртлари дастурларини тасдиқловчи бошқарманинг Озодлик боғланган мулозими.

Айни пайтда¸ Uzmetronom интернет газетаси ўз манбаларига таяниб туриб¸ президент Мирзиëевнинг сиëсатшунослик фанини реабилитация қилгани ва ўқув дастурларига қайтариш ҳақида қарор қабул қилгани ҳақида ëзди.

Ҳозирча Озодлик ихтиëрида бундай қарор борлигини тасдиқловчи бирор расмий ҳужжат йўқ.

Таниқли сиëсатшунос олим¸ ҳозирда Тошкентдаги “Билим карвони” нодавлат илмий муассасаси раҳбари Фарҳод Толипов жорий йил бошида президент виртуал қабулхонасига Ўзбекистон олий ўқув юртларида сиëсатшунослик фанини ўқитишни қайта тиклаш таклифи билан мурожаат қилган мутахассислардан бири.

2 октябрь куни Озодлик билан суҳбатда Фарҳод Толипов¸ ўзи узоқ йиллар ишлаган Тошкентдаги Жаҳон иқтисодиëти ва дипломатия университетида сиëсатшунослик фанининг бу йилги ўқув дастурига киритилмаганини айтди.

Айни пайтда суҳбатдош¸ ўзининг президент қабулхонасига ëзган таклифи тегишли тарзда ўрганиб чиқилаëтганини қўшимча қилди.

- Мен йил бошида виртуал қабулхонага мурожаат қилиб¸ўз таклифларимни киритган эдим. Хусусан¸ 2013 йили университетлардаги политология факультетлари ëпилиб¸ бу фанни ўқитиш тугатилган эди. Кўрсатилган сабаблар¸ берилган тушунтиришлар биз мутахассисларни қаноатлантирмаган эди. Бунақа бўлиши керак эмас¸ деб жаҳон тажрибаларигаям мурожаат қилиб¸ шахсан ўзимдан таклифларимни киритиб¸ политологияни қайтарсак мақсадга мувофиқ бўларди¸ деб ëзган эдим. Ўшандан кейин¸ бу мурожаатим кўрилиб¸ Фанлар академиясига кўриб чиқиш учун юборилган. Ўз навбатида Фанлар академияси бу таклифни Дипломатия университетига маслаҳат учун юборган¸ Дипломатия университети ижобий жавоб берган. Бу фан улар учун асосий фанлардан бўлгани боис¸ улар бу таклифни қўллаб-қувватлаган¸ дейди Фарҳод Толипов.

Суҳбат давомида бу мутахассис¸ Ўзбекистонда сиëсий ислоҳотлар уриниши кузатилаëтган ҳозирги даврда сиëсатшунослик фанини ўқитишнинг қайта тикланиши ўта долзарб эканини алоҳида таъкидлайди.

Ўзбекистон Олий таълим вазирлиги қарори билан¸ 2013-2014 ўқув йилида мамлакат олий ўқув юртларида сиёсатшунослик бўйича мутахассис етказиб бериш тўхтатилган эди. Мутахассислиги "сиëсатшунос" деб ëзилган сўнгги дипломлар 2013 йилги битирувчиларга берилди.

Йилига ўнлаб сиёсатшунослик соҳаси мутахассисини етказиб бериб келган Тошкентдаги Жаҳон иқтисодиëти ва дипломатия университети, Шарқшунослик институти ҳамда Миллий университетда сиёсатшунослик кафедралари ёпилиб, 2013-2014 йилги ўқув йилидан талабаларга сиëсатшунослик ўрнига жаҳон сиёсати фани ўқитила бошланди.

Сизнинг фикрингиз

Шарҳларни кўрсатинг

XS
SM
MD
LG