Ўзбекистон Президенти Мирзиёевнинг АҚШга россиялик миллиардер Алишер Усмоновнинг хусусий самолётида учиб боргани айтилмоқда. Ҳаво кемалари парвозини кузатиш имконини берувчи flightradar24 сайтига кўра, радарга Airbus A340-313 самолёти тушган ва у M-IABU коди билан қайд этилган. Бу коддаги учоқ Алишер Усмоновга тегишлидир.
Озодликка келган хабарга кўра¸ оддий сўхликлар орасида 2013 йил январида ëпилган Сўх-Риштон йўлининг қайта очилгани овоза тарқаган. Фарғона ва Боткен вилояти расмийлари эса¸ бу йўл бўйидаги чегара пунктларининг яқин келажакда очилиши кутилаëтгани¸ шу мақсаддаги музокаралар баробарида¸ чегара-ўтказиш пунктларида техник ишлар олиб борилаëтганини билдирдилар.
АҚШ президенти Дональд Трамп 18 сентябрь куни Нью-Йоркда хориж ҳукуматлари етакчиларини БМТни ислоҳ қилишга чақиради. Душанба кунги чиқишида БМТни тез-тез танқид қилиб турувчи Трампнинг ташкилот ишини қандай қилиб яхшилаш мумкинлиги ҳақида гапириши кутилмоқда.
Инсон ҳақлари¸ матбуот эркинлиги ва ижтимоий адолатни тарғиб қилувчи йигирмадан ошиқ халқаро гуруҳнинг АҚШ Давлат котиби ва Молия вазирига йўллаган биргаликдаги мактуби эълон қилинди. Инсон ҳақларини топташ ва коррупция бобида “шуҳрат топган” 15 шахсга нисбатан молиявий санкция ва виза чеклови қўллаш сўралган бу мактубда Ўзбекистон МХХ раиси¸ генерал Рустам Иноятов номи ҳам бор.
Жиззах, Самарқанд, Қашқадарё, Андижон, Тошкент вилоятларида мактаб, коллеж, лицей ўқитувчилари, боғча тарбиячиларининг пахта теримига ётоққа жўнатилаётгани хабар қилинмоқда. Самарқанд ва Фарғона вилоятларидан Озодликка боғланган тадбиркорлар улардан 300-350 минг сўмдан пахта теримига, дея пул йиғилаётганидан арз қилди.
2018-2019 ўқув йилидан бошлаб, республика бўйлаб барча туман ва шаҳарларда камида битта, Тошкент шаҳрида эса 27 та нодавлат мактаб очиладиган бўлди. Президентнинг 14 сентябрдаги қарори билан очиладиган бу таълим масканлари пуллик бўлади ва уларда 10 фоиз ўрин эҳтиёжманд оилалар болаларига бепул ажратилади.
Қозоғистон президенти Нурсултон Назарбоев Тошкентда президент Шавкат мирзиёев билан учрашувдан сўнг ўтган брифингда Қозоғистон йил сайин Ўзбекистонни 1 миллион тонна атрофида нефть хом ашёси билан таъминлашга тайёр эканини билдирди.
Сурхондарë вилояти Шеробод тумани ҳокими Абдулҳаким Эшмуродов 15 сентябрь куни Озодлик билан суҳбатда ўзининг ишдан олингани ҳақидаги хабарни инкор этди. Озодликка мурожаат қилган шерободлик тадбиркорлар¸ 14 сентябрь куни президент маслаҳатчиси ўз олдиларида Эшмуродовни ҳокимликдан бўшатганини “миннатдорлик” билан хабар қилдилар.
Kun.uz таҳририяти Сирдарё вилоятининг Сайхунобод туманида август ойи охирида рўй берган воқеа акс этган видеони эълон қилди. Видеода "Сайхунобод туман ҳокими Носиржон Маҳмудович Эгамбердиев", деб тақдим қилинган шахс тумандаги мактабларнинг директорларини бир қаторга териб олиб, бир чеккадан калтаклагани тасвирланган. Мактаб директорлари эса Мустақиллик байрамига ўқитувчиларни олиб бормагани учун калтакланаётгани кўринади.
Ўзбекистон телевидениеси Тошкентдаги хонадонда тўпланган аёллар "рухсат олмасдан диний йиғилиш ўтказгани" учун жазоланганини хабар қилди. ЎзТВнинг "Отиннинг сўнгги "ОВИ"номли кўрсатуви қаҳрамони Фотима отиннинг ҳуқуқбузарлигига далил сифатида марҳум шайх Муҳаммад Содиқ Муҳаммад Юсуфнинг китоблари намойиш қилинди. Кўрсатувда аёллар йиғинини "макруҳ", деган Анвар қори Турсунов Озодлик билан суҳбатда, кўрсатувда берган фатвосини айнан такрорлади.
11 сентябрдан бошлаб Ўзбекистоннинг айрим олийгоҳлари талабаларни пахта теримига жўнатишни бошлади. Ҳукуматнинг жорий йилда пахта терими мажбурийлик кўринишида бўлмаслик ҳақидаги ваъдасига қарамасдан деярли барча олийгоҳлар талабаларига 15 сентябрдан оммавий сафарбарлик бошланиши айтилган.
Ўзбекистон президенти ислом дунёси мамлакатлари орасида илм-фан соҳасида эришилган ютуқлар учун Ислом ҳамкорлик ташкилоти махсус мукофотини таъсис этишни таклиф қилди. Ўзбекистон президентининг бу таклифи ташкилотнинг Остонадаги фан ва технологиялар бўйича саммитида янгради.
Қолганини юкланг
07:00 - 09:00
