Линклар

Шошилинч хабар
12 декабр 2019, Тошкент вақти: 13:20

Ўзбек олимлари уч йилдан кейин Нобель мукофоти оладими?


“Қурултой” дастурида Ўзбек олимлари уч йилдан кейин Нобель мукофоти оладими? -деган саволга жавоб изланди.​

Ўзбекистон президенти Шавкат Мирзиёев 6 апрель куни Ўзбекистон Фанлар академиясининг академик Собир Юнусов номидаги Ўсимлик моддалари кимёси институтига бориб олимлар билан учрашганида “23 йил олдин илм-фан аҳволи ҳозиргидан минг марта яхши эди”¸ дея Каримов даврида илм - фан таназзулга учраганини таъкидлади.

Ўзбекистон Фанлар академияси президенти Беҳзод Йўлдошев учрашув сўнгида сўз олиб, ўзбек олимларининг Нобель мукофоти олиши эҳтимоли президент яратган шароитдан кейин янада аниқлашганини билддирди:

- Яқин уч йил ичида охирида Нобель мукофотига олиб борадиган илм-фаннинг истиқболли йўналишини аниқлаб олишимиз керак, — деди Йўлдошев.

Ўзбекистонлик журналист Алимардон Аннаев ўзбек олимларининг бу яқин орада Нобель мукофоти олиш ҳақидаги гапни “хомҳаëллик” деб атади.

Ўзбек олимлари уч йилдан кейин Нобель мукофоти оладими?
Илтимос кутинг

Айни дамда медиа-манба мавжуд эмас

0:00 0:57:09 0:00

Қурултойда Британия ва АҚШда истиқомат қилаëтган олим ва блоггерлар қатнашди.

Британияда истиқомат қиладиган қишлоқ хўжалик фанлари доктори¸ профессор¸ агрохимик тупроқшунос олим Аҳмаджон Хоразмий (Аҳмад Ҳасанов) "Ўзбекистондаги пахтачилик институтини Каримов тугатмаганида¸ шу соҳа бўйича халқаро эътиборга молик олимлар етишган бўларди," деб эслади.

У ўз вақтида Мозамбик давлатида ўзбек пахтачилик инстититутини тамсил қилганлигини гапига илова қилди.

АҚШ да истиқомат қилувчи блогггер Ботир Ҳасановнинг айтишича ¸ Совет даврида “Илм-фан маркази” бўлган Тошкент Каримов даврида бу мавқеидан айрилган:

"Мирзиëев 22 йилни бой бердик, деб айтди. Бугунги фан тараққиëти тезлашган даврда - бу жуда узоқ муддат. Энг асосийси биз илм келажагини бой бердик," деди блоггер.

Қурултой қатнашчиларига кўра¸ ўтган ҳафта қабул қилинган “Республика олий таълим ва илмий-тадқиқот муассасалари ходимларининг меҳнатига ҳақ тўлаш тизимини такомиллаштириш чора-тадбирлари тўғрисида”ги президент қарори мавжуд вазиятни кардинал ўзгартира олмайди.

XS
SM
MD
LG