НОРИН. “Наманган вилояти Норин тумани деҳқон бозоридан ёзмоқдамиз. 2017 йил сентябрь ойида биз савдо қиладиган раста ёниб кетган ва 18 та дўкон катта зарар кўрган эди. Биз – ёнғиндан жабр кўрган тадбиркорлар, дўконларимизни ўз кучимиз билан тикладик, ҳеч ким ёрдам бермади. Энди эса бозор қайта қурилади деган важ билан расталаримизни бузишмоқчи.
Аслида, бозорни қайта қуриш бўйича президент тасдиқлаган лойиҳада бизнинг дўконлар бузилиши белгиланмаган. Аммо маҳаллий раҳбарлар бир неча пулдор-корчалоннинг манфаати учун давлат раҳбари тасдиқлаган лойиҳани ҳам ўзгартирмоқда.
2003 йилда қурилганидан буён бозорга фойдаси тегмаган расталар бор, аммо улар қолиб, бинойидек ишлаб турган бизнинг дўконларни бузишмоқчи.
Мутасаддилардан талабимиз – бозор қурилиши давлат раҳбари тасдиқлаган лойиҳа бўйича амалга оширилсин, бизнинг расталар ҳам капитал таъмирлаб берилсин!”
(Бу хабар Озодликка 27 май куни келди)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagramсаҳифасида кузатинг!
|