ЖИЗЗАХ. “Жиззах вилоятидан ёзмоқдаман. Онам онкологик касалга чалингани сабаб зудлик билан муолажа ўтказилиши лозим экан. Аммо Жиззах вилоятидаги тиббий муолажадан қониқмадик ва қўшни Самарқанд вилоятидаги онкология марказига мурожаат қилишга мажбур бўлдик. Самарқанд онкология марказида эса бошқа вилоятдан келиб даволанмоқчи бўлганлар қўшимча кунлик 200 минг сўм тўлов қилиши лозим экан. Агарда бемор 20 кун даволанса, қанча қўшимча харажат бўлишини ҳисоблаб олаверинг! Дори-дармон ва қўшни вилоятга қатнаш харажатларини айтмай қўяқолайлик. Биз мурожаат қилган жойда бошқа вилоятлардан келган ўнлаб инсонларни учратдик. Тиббиёт вилоятларда ҳам ривожлантирилмас экан, биз каби бошига ташвиш тушган ватандошлар машаққат устига машаққат чекиб юраверади!”
(Бу хабар Озодликка 27 май куни келди)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagramсаҳифасида кузатинг!
|