“Сиздан Телеграм”да Андижон вилояти Асака тумани Юқори Қорасув кўчаси аҳлининг ичимлик суви муаммоси ҳақида мактуби чоп этилган эди. Асака туман ҳокимлигид матбуот хизматидан қуйидаги жавоб хати келди:
“Асака тумани Қайрағоч МФЙ Юқори Қорасув кўчаси 2018 йил “Обод қишлоқ” дастурига киритилган бўлиб, дастур доирасида 1 400 метр йўлда шағаллаш ишлари амалга оширилган.
Қайрағоч МФЙда “Обод қишлоқ” дастури доирасида 7 км янги ичимлик сув тармоқлари қурилиб фойдаланишга топширилган. Юқори Қорасув кўчаси эса маҳаллий бюджет маблағи ҳисобидан қуриладиган ичимлик сув тармоқлари дастурига киритилган бўлиб, ҳозирда қўшни Юқори Бўз МФЙ Оқбош кўчасидаги сув қудуғидан тармоққа уланиши режалаштирилган. Бугунги кунда Юқори Қорасув кўчасида ичимлик сув тармоғи қурилиши ишлари амалга оширилмоқда”.
(Бу хабар Озодликка 20 сентябрь куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!
|