Линклар

Шошилинч хабар
09 феврал 2023, Тошкент вақти: 14:30

Ўзбекистон хабарлари

“Снос”дан етган зарарни қоплаш учун бюджетдан ярим триллион сўм ажратилади

Иллюстратив сурат

Ўзбекистонда 2022 йилда “снос”лар туфайли жисмоний ва юридик шахсларга етказилган зарарларни қоплаш учун давлат бюджетидан 500 миллиард сўм маблағ йўналтирилади. Молия вазирлигининг 2022 йил учун бюджетнома лойиҳасида маълум қилинган бу жиҳатга Газета.uz нашри эътибор қаратган.

Бюджетнома лойиҳасига мувофиқ, 2022 йилда Давлат ва жамият эҳтиёжлари учун ер участкаларининг олиб қўйилиши муносабати билан жисмоний ва юридик шахсларга етказилган зарарларни қоплаш бўйича жамғармасига Вазирлар Маҳкамаси захира жамғармаси маблағларининг 15 фоизидан кам бўлмаган миқдорда, яъни республика бюджетидан 500 миллиард сўм маблағ ажратиш режаланган.

Қайд этилишича, 2021 йилда бу йўналишдаги харажатлар учун 273 миллиард сўм, 2020 йилда эса 215,8 миллиард сўм ажратилган.

“Снос”дан етган зарарни қоплаш учун ажратилган маблағнинг қарийб икки баробар оширилгани, кузатувчилар фикрича, Ўзбекистонда “буза-буз”лар кўлами камаймай, аксинча кўпайишидан дарак бўлиши мумкин.

Кун янгиликлари

Туркиядаги зилзила ҳудудига Ўзбекистондан қўшимча 71 кишилик персонал йўлланди

Газиантепда вайрон бўлган уйлардан бири (иллюстратив сурат)

Бортида 71 нафар қидирув-қутқарув ва тиббиёт ходими бўлган учоқ 9 февраль тонгида Ўзбекистондан Туркиянинг Газиантеп шаҳрига етиб борган. Бу ҳақда Ўзбекистон Ташқи ишлар вазирлиги маълумот тарқатди.

Вазирлик қайдича, мазкур учоқ билан Туркиядаги зилзилада жабр кўрганлар учун гуманитар ёрдамнинг галдаги партияси ҳам етказилган.

Жабрланганларга ёрдам бериш мақсадида Мудофаа вазирлиги тиббий отрядининг 50 нафар ходими хизмат қиладиган бир гектар майдонга тўққизта алоҳида бўлинмадан иборат кўчма шифохона мажмуасини жойлаштириш режалаштирилган. Ушбу дала шифохонаси Ўзбекистондан келтирилган барча зарур тиббий асбоб-ускуналар ва дори-дармонлар билан тўлиқ таъминланади”, дейилган ТИВ хабарномасида.

Маълумотни тасдиқлаган Ўзбекистон Мудофаа вазирлигига кўра, Туркияга йўлланган ҳарбий-тиббий отряд таркибида тажрибали тиббиёт ходимларидан ташқари кинологлар (хизмат итлари билан) ва таъминотчилар ҳам бор бўлиб, улар ўз йўналиши бўйича барча керакли анжом ва ускуналар билан таъминланган.

Аввалроқ Ўзбекистондан икки учоқ Туркиянинг Адана ва Газиантеп шаҳарларига гуманитар ёрдам етказгани хабар қилинган. Бу учоқларда Ўзбекистон ФВВнинг 100 нафар қутқарувчиси ҳам зилзила ҳудудига йўл олган. Улар айни пайтда Хатай вилоятидаги қидирув-қутқарув ишларида иштирок этаётгани айтилмоқда.

БП: Нукус воқеалари бўйича хавфсизлик кучлари ходимларидан уч нафари ҳибсга олинган

Нукус воқеалари ортидан жамоат хавфсизлигини таъминлаш учун Қорақалпоғистонга ташланган хавфсизлик кучлари ходимлари (архив сурати)

Қорақалпоғистонда ўтган йилнинг 1-2 июль кунлари ҳуқуқни муҳофаза қилувчи орган ходимларининг ноқонуний хатти-ҳаракатлари юзасидан қўзғатилган жиноят ишлари тергови доирасида 3 нафар шахсга нисбатан Ўзбекистон Жиноят кодексининг тегишли моддалари билан айблов эълон қилиниб, қамоққа олиш тарзидаги эҳтиёт чораси қўлланилган.

Бу ҳақда маълумот тарқатган Бош прокуратура матбуот хизматига кўра, айни пайтда мазкур жиноят ишлари бўйича тергов ҳаракатлари давом этмоқда.

“Тергов натижаси бўйича жиноят ишларининг судга юборилиши таъминланади”, дейилган БП хабарномасида.

Ўтган йилнинг декабрь ойида Нукус воқеаларини ўрганиш бўйича Олий Мажлис томонидан тузилган мустақил комиссия Қорақалпоғистондаги воқеаларга оид жамоатчиликни қизиқтираётган масалалар юзасидан Бош прокуратурага қатор саволларни йўллагани ҳақида Озодлик аввалроқ хабар қилган.

Комиссиянинг ўша мурожаатномасида “оммавий тартибсизликлар вақтида ва айбдорларни қўлга олиш жараёнида хизмат ваколатидан четга чиқиб, заруратсиз куч ва воситаларни ишлатган ҳуқуқни муҳофаза қилиш органлари ходимларига нисбатан қонуний чора кўриладими?” деган савол ҳам бор эди.

Бу саволга БП вакиллари: “Жамоат тартибини сақлашга сафарбар қилинган ҲМҚО ходимлари томонидан оммавий тартибсизлик иштирокчиларига нисбатан қурол ва махсус воситалар қўлланилганлиги ҳолатига алоҳида иш юритувига ажратилган жиноят иши доирасида ҳуқуқий баҳо берилади. 2 нафар фуқаронинг вафоти ҳолати юзасидан ЖКнинг тегишли моддалари билан қўзғатилган жиноят ишлари доирасида прокуратура идоралари томонидан дастлабки тергов ҳаракатлари олиб борилмоқда, тергов якунига кўра, айбдор деб топилган шахсларга нисбатан қонуний қарорлар қабул қилиниши таъминланади”, дея жавоб беришган.

Ўшанда улар ҲМҚО ходимлари томонидан хизмат ваколатларидан четга чиқиб, заруратсиз куч ва воситалар ишлатилгани ўз тасдиғини топиб, суд муҳокамасига юборилган тақдирда, Жиноят-процессуал кодексида назарда тутилган тартибда очиқ суд мажлисларида кўриб чиқилишини қўшимча қилганлар.

Аввалроқ АҚШ, Европа Иттифоқи, БМТ ва халқаро инсон ҳуқуқлари ташкилотлари ўзбек расмийларини Қорақалпоғистондаги воқеалар юзасидан очиқ, ҳар томонлама ва шаффоф тергов ўтказишга, тинч намойишчиларга қарши ҳаддан зиёд куч қўлланилганига оид иддаоларни текширишга чақиришган.

Нукус воқеалари бўйича Бухородаги илк суд жараёни шу йилнинг 31 январида ўз ниҳоясига етиб, ҳукм ўқилган. 22 кишига оид иш кўрилган ўша судда асосий айбланувчи сифатида кўрилаётган Даулетмурат Тажимуратов 16 йилга қамалган, яна 17 киши 3 йилдан 8,5 йилгача озодликдан маҳрум этилган, Лолагул Қаллиханова дохил тўрт киши эса суд залидан озод қилинган.

Мазкур суд ҳукми билан 6 йилга қамалган Пўлат Шамшетов 4 февраль куни Бухородаги тергов ҳибсхонасида вафот этган. Суд-тиббий экспертизаси ишчи гуруҳи унинг ўлимига ўпка артерияси тромбоэмболияси, ўткир юрак-қон томири етишмовчилиги сабаб бўлганини билдирган. Қорақалпоғистонлик фаол Ақилбек Муратов Озодликнинг Current Time лойиҳаси билан суҳбатда Пўлат Шамшетовнинг ҳибсхонадаги ўлимини “ғалати” деб атаб, унинг Нукус воқеалари чоғида хавфсизлик кучлари томонидан ўқотар қуролдан фойдаланилган-фойдаланилмагани юзасидан асосий гувоҳ бўлганини айтган.

Ўзбекистон расмийлари ҳеч қанақа қурол қўлланилмаганини айтишмоқда, Human Rights Watch халқаро ташкилоти вакиллари дохил ҳуқуқ фаоллари ҳодиса чоғида ўқотар қурол ва гранаталардан фойдаланилгани ҳақида ҳисоботлар чиқарган. Қорақалпоғистондаги июль воқеаларининг энг муҳим бўлган жиҳатларидан бири бўлган айнан шу ҳолат бўйича Пўлат Шамшетов асосий гувоҳлардан бири эди”, деган эди жумладан Ақилбек Муратов.

Қорақалпоғистондаги воқеаларга оид иккинчи суд мажлиси 6 февраль куни Бухоро вилоят суди биносида бошланган. Бу гал судланаётган 39 киши орасида интернетда одамларни сепаратизмга даъват қилиш, оммавий тартибсизликларга чақириш, ҳуқуқ-тартибот идоралари ходимларига қарши куч ишлатиш, уларга тегишли қурол-аслаҳаларни тортиб олиш ва бошқа ноқонуний хатти-ҳаракатларда гумонланаётганлар бор. Озодлик аввалроқ иккала маҳкамада ҳам судланувчилар ичида Қорақалпоғистонда намойиш иштирокчиларига қарши ноқонуний куч қўллаганликда гумонланган хавфсизлик кучлари ходимлари кўринмаётганига эътибор қаратган эди.

Нукус воқеалари чоғида, расмий маълумотларга кўра, 21 киши ҳалок бўлган, ҳуқуқ-тартибот идоралари ходимлари дохил 243 киши яраланган. Намойишлар куч билан бостирилган, бироқ ўзбек расмийлари ҳарбийларнинг намойишчиларга қарата ўқ узганини рад этган, Миллий Гвардия, ИИВ ҳамда Мудофаа вазирлиги намойишларни бостириш чоғида қўлланган махсус воситаларни намойиш қилган.

Мирзиёев бош режа тасдиқланмагунига қадар Тошкентда янги қурилишлар тақиқланишини билдирди

Ўзбекистон президенти Шавкат Мирзиёев

Пойтахт Тошкентнинг бош режаси тасдиқланмагунча, шаҳарда янги қурилишларга мораторий эълон қилинади. Бу ҳақда Ўзбекистон президенти Шавкат Мирзиёев 8 февраль куни Тошкент шаҳри жамоатчилик вакиллари ва мутасаддилар иштирокида ўтказилган йиғилиш чоғида билдирган.

Президент матбуот хизмати маълумотига кўра, Мирзиёев йиғилишда қурилишга рухсат берилганда, мавжуд инфратузилмага юклама бўйича аниқ ҳисоб-китоб қилинмаётгани, яшил майдонлар ташкил қилиш ишлари қурилишлар билан ҳамоҳанг олиб борилмаётганини танқид қилган.

Йиғилишда президент томонидан жорий йилда пойтахтнинг яшиллик даражасини 28 фоизга етказиш вазифаси қўйилган. Шу мақсадда 100 гектар майдонда янги боғ ташкил қилиниши, “Тошкент яшил белбоғи” лойиҳаси бошланиб, баҳор мавсумида 525 минг туп дарахт ва буталар, 20 миллион туп гул кўчатлари экилиши айтилган.

Мирзиёевнинг Тошкентда янги қурилишлар қилиш тўхтатиб турилишига оид гаплари Туркияда 7,8 ва 7,6 балли зилзилалар туфайли кўрилган талафотлар ортидан мотам тутилаётган кунларга тўғри келди. 6 февраль куни рўй берган ер силкинишлари сабабли мамлакат жануби-шарқида, дастлабки маълумотларга кўра, 6,5 мингдан зиёд бино вайрон бўлган, қурбонлар сони эса 8 февраль оқшомигача 9 мингдан ошгани айтилмоқда.

Фожиа ортидан ижтимоий тармоқлар фойдаланувчилари Туркияда қурилаётган кўп қаватли уйларнинг сифати ва зилзилабардошлигини савол остига олиб, расмийлар бу борадаги сиёсатини танқид қила бошлаганлар.

Чоршанба куни зилзила ҳудудига борган президент Ражаб Тоййиб Эрдўғон ер силкиниши туфайли вайрон бўлган уйларнинг барчасини тиклаш учун камида 1 йил вақт керак бўлишини айтган. Ўз сўзида Эрдўғон зилзиладан жабр кўрганлар вақтинча Анталия, Алания ва Мерсиндаги меҳмонхоналарга жойлаштирилишини билдирган.

Маҳаллий пабликлар кетма-кет рўй берган зилзилалардан Туркиянинг 10 вилоятида истиқомат қилувчи 13 миллиондан зиёд одам зарар кўргани ҳақида ёзишмоқда.

Самарқандда ўзбекистонликларни ноқонуний йўл билан АҚШга юбормоқчи бўлган яна бир киши қўлга олинди

Иллюстратив сурат

Ўзбекистон Давлат хавфсизлик хизмати фуқароларни айланма йўллар билан АҚШ давлатига ноқонуний юбораётган жиноий гуруҳ аъзолардан бирининг фаолиятига чек қўйган. Бу ҳақда хабар қилган Ўзбекистон Миллий ахборот агентлигига кўра, ДХХ мазкур амалиётни Самарқанд вилояти бошқармаси ҳамда вилоят ИИБ ходимлари билан ҳамкорликда амалга оширган.

Қайд этилишича, бухоролик 27 ёшли М.Ф. ўзбекистонликларни ноқонуний йўллар билан Европа Иттифоқи давлатлари ва Мексика орқали АҚШга юбориш билан шуғулланган.

АҚШга юбориш учун 15 минг доллар сўраган бу шахс самарқандлик “мижоз”идан 3 минг долларини олаётган пайтда ушланган.

Айни пайтда унга нисбатан мамлакат Жиноят кодексининг тегишли моддалари билан жиноят иши қўзғатилгани ва тергов ҳаракатлари олиб борилаётгани айтилган.

Ўтган йилнинг декабрь ойида ҳам ДХХ Ўзбекистон-Испания-Мексика-АҚШ ҳамда Ўзбекистон-Туркия-БАА-Мексика-АҚШ йўналишлари орқали Қўшма Штатларга етказиб қўйиш ваъдаси билан ўзбекистонликлардан бир неча минг доллардан аванс олаётган икки киши қўлга олингани ҳақида маълумот тарқатилган эди.

Озодлик суҳбатдошларига кўра, ўзбекистонликларнинг минглаб доллар пул сарфлаб, ноқонуний йўллар ва қийинчиликлар билан бўлса-да, АҚШга кетишга уринаётганини улардаги катта даромад топиш истаги билан изоҳлаш мумкин.

Статистик маълумотлар ҳам ўзбекистонликлар орасида эса АҚШда яшаш ва ишлаш истагида бўлганлар сони йил сайин кўпайиб бораётганини тасдиқламоқда. АҚШ Аҳолини рўйхатдан ўтказиш бюросининг сўнгги ҳисоботига кўра, Қўшма Штатларда ҳозирда 62 мингдан зиёд ўзбекистонлик яшайди. Улар орасида икки мингдан зиёди АҚШ ватандошлигини олган. Америкадаги 11 миллион ноқонуний муҳожирлар орасида ўзбекистонликлар ҳам кам эмас.

БМТ Ўзбекистон орқали Афғонистонга 12 машина гуманитар юк йўллади

Ўзбекистоннинг Термиз шаҳридан Афғонистонга йўл олган БМТнинг гуманитар карвони (UNCHR фотоси)

БМТнинг Қочқинлар бўйича агентлиги ва Қочқинлар ишлари бўйича олий комиссарлиги ўзбек расмийлари кўмагида қаҳратон қишда Афғонистондаги ички мигрантлар ва бошқа ҳимояга муҳтож аҳоли ҳаётини сақлаб қолиш учун Термиз шаҳридаги Халқаро кўп функцияли транспорт-логистика хаби орқали 12 юк машинасида 48 000 дан ортиқ адёл йўллаган. Бу ҳақда БМТнинг Ўзбекистондаги ваколатхонаси матбуот хизмати маълумот тарқатди.

Мазкур юк 2021 йил октябрь ойида Ўзбекистон ҳукумати кўмагида ташкил этилган БМТнинг Қочқинлар бўйича олий комиссарлигининг Гуманитар логистика минтақавий марказидан жўнатилган.

“БМТ Қочқинлар ишлари бўйича олий комиссарлиги Ўзбекистон ҳукумати билан биргаликда Афғонистон халқига ҳаётий инсонпарварлик ёрдамини кўрсатишни давом эттириш учун барча саъй-ҳаракатларини амалга оширмоқда. Бу, айниқса, совуқ қишда жуда муҳимдир. Ўзбекистон ҳукумати ва Термиздаги маҳаллий ҳамкорлар кўмагида БМТ Қочқинлар бўйича олий комиссарлиги Афғонистондаги аёллар, болалар ва эркакларнинг шошилинч эҳтиёжларига тезкорлик билан жавоб бера олади”, дея иқтибос келтирилган хабарномада БМТ Қочқинлар бўйича олий комиссарлигининг катта маслаҳатчиси Френк Ремус сўзларидан.

Қайд этилишича, Термиз маркази Афғонистон, Эрон, Покистон, Марказий Осиё ва ундан ташқарида БМТ Қочқинлар бўйича олий комиссарлиги операцияларига ёрдам бериш учун асосий консолидация ва жўнатиш пункти бўлиб хизмат қилмоқда. 2021-2022 йилларда марказ кўчирилган оилалар, сув тошқинлари ва зилзила каби табиий офатлардан жабр кўрганлар учун 217 юк машинасида гуманитар юклар жўнатган.

Ўтган йили БМТнинг Қочқинлар ишлари бўйича олий комиссарлиги Афғонистоннинг 34 вилоятидаги 5,9 миллион кишига асосий эҳтиёжлар ва моддий ёрдам, шунингдек, ҳуқуқий ҳимоя ва интеграция бўйича ёрдам кўрсатган.

Туркманистондан суюлтирилган газ олган Ўзбекистон қўшниларга “тез ёрдам” машиналарини тақдим этди

Ўзбекистон Энергетика вазирлиги ижтимоий тармоқларда тарқалган “Туркманистон газ конидаги носозлик сабабли январь ойининг маълум кунларида етказиб берилмаган газ учун Тошкент Ашхободдан катта миқдорда компенсация пули талаб қилган”ига оид иддаоларни рад этди.

Вазирлик қайдича, Туркманистон дўстона дастаклаш мақсадида Ўзбекистонга бепул суюлтирилган газ партиясини тақдим этган.

Энергетика вазирлиги қўшни мамлакатдан олинган суюлтирилган газ яқин кунларда эҳтиёжманд оилалар орасида текинга тарқатилишини ваъда қилган.

Бу орада Ўзбекистон президенти матбуот хизмати Тошкент Ашхободга 20 дона замонавий тез ёрдам машиналари жўнатилгани ҳақида маълумот берди. Мазкур дўстона ёрдам алмашуви “икки мамлакат ўртасида дипломатик муносабатлар ўрнатилганининг 30 йиллиги” муносабати билан амалга оширилгани қайд этилган.

Бухоро судида Нукус воқеалари бўйича иккинчи маҳкама бошланди

Ўтган йилнинг июль ойи бошида Нукусда бўлиб ўтган норозилик намойишидан лавҳа

Бухоро вилоят суди биносида 6 февраль куни Қорақалпоғистонда ўтган йилнинг июль ойи бошида тартибсизликларни содир этганликда айбланаётган 39 нафар судланувчи иши юзасидан суд бошланган. Бу ҳақда Ўзбекистон Олий суди матбуот хизмати маълумот тарқатган.

Мазкур жиноят иши Қорақалпоғистон Республикаси судининг жиноят ишлари бўйича судлов ҳайъати судьяси Д. Разов раислигида кўриб чиқилаётгани айтилган.

Судланувчилар орасида интернетда одамларни сепаратизмга даъват қилиш, оммавий тартибсизликларга чақириш, ҳуқуқ-тартибот идоралари ходимларига қарши куч ишлатиш, уларга тегишли қурол-аслаҳаларни тортиб олиш ва бошқа ноқонуний хатти-ҳаракатларда гумонланаётганлар бор.

Судланувчиларнинг барчасига нисбатан “қамоққа олиш” шаклида эҳтиёт чораси қўлланилган.

Нукус воқеалари бўйича Бухородаги илк суд жараёни шу йилнинг 31 январида ўз ниҳоясига етиб, ҳукм ўқилган. 22 кишига оид иш кўрилган ўша судда асосий айбланувчи сифатида кўрилаётган Даулетмурат Тажимуратов 16 йилга қамалган, яна 17 киши 3 йилдан 8,5 йилгача озодликдан маҳрум этилган, Лолагул Қаллиханова дохил тўрт киши эса суд залидан озод қилинган.

Аввалроқ АҚШ, Европа Иттифоқи, БМТ ва халқаро инсон ҳуқуқлари ташкилотлари ҳам ўзбек расмийларини Қорақалпоғистондаги воқеалар юзасидан очиқ, ҳар томонлама ва шаффоф тергов ўтказишга, тинч намойишчиларга қарши ҳаддан зиёд куч қўлланилганига оид иддаоларни текширишга чақирган. Аммо иккинчи суддаги айбланувчилар орасида ҳам намойиш иштирокчиларига қарши ноқонуний куч қўллаганликда гумонланган хавфсизлик кучлари ходимлари кўринаётгани йўқ.

Нукус воқеалари чоғида, расмий маълумотларга кўра, 21 киши ҳалок бўлган, ҳуқуқ-тартибот идоралари ходимлари дохил 243 киши яраланган. Намойишлар куч билан бостирилган, бироқ ўзбек расмийлари ҳарбийларнинг намойишчиларга қарата ўқ узганини рад этган, Миллий Гвардия, ИИВ ҳамда Мудофаа вазирлиги намойишларни бостириш чоғида қўлланган махсус воситаларни намойиш қилган.

ТИВ: Туркиядаги зилзила содир бўлган ҳудудда бир ўзбекистонлик нобуд бўлди

Малатя вилоятида вайрон бщлган уйлардан бири, 2023 йил 6 феврали

Туркиянинг Малатя вилоятида зилзила оқибатида ўзбекистонлик бир фуқаро ҳалок бўлган. Бу ҳақда Ўзбекистон Ташқи ишлар вазирлиги матбуот хизмати маълумот тарқатди.

ТИВ қайдича, 7 февраль соат 10.00 (Тошкент вақти) ҳолатига кўра, зилзила ҳудудидаги тўрт нафар ўзбекистонлик бедарак йўқолган.

Уларни топиш бўйича тезкор қидирув-қутқарув ишлари амалга оширилмоқда”, дейилган хабарномада айни пайтда Туркиядаги зилзила оқибатида зарар кўрган ўзбекистонликларга тегишли ёрдам кўрсатиш ва уларнинг мурожаатларини кўриб чиқиш мақсадида Ўзбекистоннинг Анқара шаҳридаги элчихонаси қошида 24 соат фаолият юритадиган штаб ташкил этилгани билдирилган.

Хабарномада президент Мирзиёев топшириғига мувофиқ Туркиядаги зилзила оқибатларини бартараф этиш мақсадида сафарбар этилган Ўзбекистон Фавқулодда вазиятлар вазирлиги вакиллари Ҳатай вилоятининг Овакент қишлоғида қидирув-қутқарув ишларини бошлагани, бу ҳудудда асосан 10 мингдан ортиқ этник ўзбеклар истиқомат қилиши қўшимча қилинган.

Сўнгги маълумотларга кўра, 6 февраль куни Туркия жануби-шарқида рўй берган зилзилалар натижасида қурбонлар сони 3 минг 381 нафарга етган, 20 минг 426 киши жароҳатланган, 5 минг 775 тураржой биноси вайрон бўлган.

Қорақалпоқ фаоли: Шамшетов Нукусда қурол қўлланилган-қўлланилмагани бўйича асосий гувоҳ эди

Қорақалпоқ фаоли Ақилбек Муратов: Пўлат Шамшетов Нукусда қурол қўлланилган-қўлланилмагани бўйича асосий гувоҳ эди
Илтимос кутинг

Айни дамда медиа-манба мавжуд эмас

0:00 0:03:13 0:00

Қорақалпоғистонлик фаол Ақилбек Муратов Озодликнинг Current Time лойиҳаси билан суҳбатда Нукус воқеалари бўйича судланган Пўлат Шамшетовнинг Бухородаги 4-тергов ҳибсхонасидаги ўлимини “ғалати” деб атаган.

Муратовга кўра, Шамшетов Қорақалпоғистон ўтган йилнинг 1-2 июль кунлари содир бўлган воқеалар чоғида хавфсизлик кучлари томонидан ўқотар қуролдан фойдаланилган-фойдаланилмагани юзасидан асосий гувоҳ эди.

“Ўзбекистон расмийлари ҳеч қанқа қурол қўлланилмагани айтишмоқда, Human Rights Watch халқаро ташкилоти вакиллари дохил ҳуқуқ фаоллари ҳодиса чоғида ўқотар қурол ва гранаталардан фойдаланилгани ҳақида ҳисоботлар чиқарган. Қорақалпоғистондаги июль воқеаларининг энг муҳим бўлган жиҳатларидан бири бўлган айнан шу ҳолат бўйича Пўлат Шамшетов асосий гувоҳлардан бири эди”, деган Ақилбек Муратов.

Аввалроқ Ички ишлар вазирлиги ҳузуридаги Жазони ижро этиш департаментига қарашли 4-сонли тергов ҳибсхонасида сақланаётган маҳкум Пўлат Шамшетов (Қорақалпоғистон Республикаси ИИВ собиқ ходими) 4 февраль куни вафот этгани ҳақида хабар берилган. Бу маълумотни тасдиқлаган Ўзбекистон Бош прокуратураси Нукус воқеалари бўйича судланган Шамшетовнинг ўлими юзасидан тайинланган суд-тиббий экспертизаси натижасини эълон қилган.

БП хабарномасида, суд-тиббий экспертизаси ишчи гуруҳининг дастлабки маълумотига кўра, марҳум Шамшетов ўпка артерияси тромбоэмболияси, ўткир юрак-қон томири етишмовчилиги оқибатида вафот этгани айтилган. Унга ўтган йилнинг 2 июлида “одамларни оммавий тартибсизликларга жалб қилгани ва ўзи уларнинг фаол иштирокчиси бўлгани”га оид айблов қўйилганди.

Жорий йилнинг 31 январь куни Бухоро вилояти судида ўқиб эшиттирилган ҳукмга мувофиқ, Пўлат Шамшетов Жиноят кодексининг 244-моддаси 3-қисмида назарда тутилган жиноятни содир этганликда айбли деб топилган. Унга нисбатан ЖКнинг 45- ва 57-моддалари қўлланилиб, 3 йил мансабдорлик лавозимларида ва ички ишлар тизимида ишлаш ҳуқуқидан маҳрум қилинган ҳолда 6 йилга озодликдан маҳрум қилиш жазоси тайинланган эди.

МОҚ: Ўзбекистонлик курашчилар Туркиядаги зилзила марказидан олиб чиқилди

Қаҳрамонмарашда зилзила оқибатида юзага келган вайронгарчиликлар

Туркиянинг Қаҳрамонмараш шаҳридаги халқаро мусобақада иштирок этган ўзбекистонлик ёш курашчилар жамоаси зилзила марказидан олиб чиқиб кетилган ва пойтахт Анқарага етказилган. Бу ҳақда маълумот тарқатган Миллий олимпия қўмитаси эвакуация қилинган спортчилар сонига аниқлик киритган эмас.

“Ҳозирда барча ҳамюртларимизнинг саломатлиги яхши. Режага мувофиқ, улар даставвал Туркия пойтахтидан Истанбул шаҳрига йўл олишади ва у ердан Тошкентга қайтиб келишади”, дейилган МОҚ томонидан 7 февраль тонгида тарқатилган хабарномада.

Қўмитанинг душанба кунги хабарномасида велоспорт бўйича Ўзбекистон терма жамоаси Алания, байдарка ва каноэда эшкак эшувчилар эса Белек шаҳрида ўқув-машғулот йиғинини олиб боришаётгани, зилзила бу ҳудудларга катта таъсир ўтказмагани учун машғулотлар режа асосида давом этаётгани ҳақида маълум қилинган эди.

Туркия жануби-шарқида 6 февраль куни рўй берган 7,8 магнитудали ва 7,6 магнитудали иккита кучли ер силкиниши натижасида, расмий маълумотларга кўра, қурбонлар сони 2 минг 921 нафарга етган, 15 минг 834 киши жароҳатланган, 7 минг 840 киши эса вайроналар остидан қутқариб олинган.

Фожиа ортидан Туркияда бир ҳафталик миллий мотам эълон қилинган.

Ўзбекистон президенти Шавкат Мирзиёев кеча туркиялик ҳамкасби Ражаб Тоййиб Эрдўғон билан телефон орқали мулоқотида зилзила оқибатида кўплаб инсон қурбон бўлгани ва катта талафотлар кўрилгани муносабати билан чуқур ҳамдардлик изҳор этган. Маълумотларга кўра. 7 февраль куни Ўзбекистондан Туркияга гуманитар ёрдам ва 100 кишилик қутқарувчилар гуруҳи жўнатилиши режаланган.

Косонсойдаги портлаш натижасида жароҳат олган 5 кишидан бири вафот этди

Наманган вилоятининг Косойсой тумани “Нуробод” маҳалла фуқаролар йиғини ҳудудидаги Навбаҳор кўчасида жойлашган уйлардан бирида 7 февраль тонгида портлаш содир бўлган. Бу ҳақда Фавқулодда вазиятлар вазирлиги маълумот тарқатди.

ФВВ хабарномасида портлаш газ-ҳаво аралашмаси сабабли рўй бергани, ҳодиса ортидан жароҳатланган 4 нафар фуқаро туман тиббиёт бирлашмасига ётқизилгани айтилган.

Ҳодисани тасдиқлаган Бош прокуратура матбуот котиби Ҳаёт Шамсутдинов портлаш чоғида 4 киши эмас, балки 5 киши тан жароҳати олганини, улардан бири, кўрсатилган тез-тиббий муолажаларга қарамасдан, шифохонада вафот этганини билдирган.

"Мазкур ҳолат юзасидан Косонсой туман прокуратураси томонидан Жиноят кодексининг 258-моддаси 2-қисми “а” банди (Тоғ-кон, қурилиш ёки портлатиш ишлари хавфсизлиги қоидаларини бузиш) билан жиноят иши қўзғатилди", деб маълум қилган Ҳ. Шамсутдинов ўз Telegram-канали орқали.

Озодлик бир ҳафта муқаддам Нукус туманидаги 2 қаватли уйда газ портлагани, ҳодиса туфайли 4 одам оғир тан жароҳати олгани ҳақида хабар қилган эди. Ундан аввал эса – 29 январь куни Қорақалпоғистон пойтахтида тўрт қаватли уйда содир бўлган портлаш сабабли 5 киши нобуд бўлгани очиқланган.

БП: Нукус воқеалари бўйича судланган Пўлат Шамшетов юрак хуружидан вафот этган

Ўзбекистон Бош прокуратура биноси

Ўзбекистон Бош прокуратураси Нукус воқеалари бўйича судланган Пўлат Шамшетов ўлими юзасидан тайинланган суд-тиббий экспертизаси натижасини эълон қилди. Унга кўра, марҳум ўпка артерияси тромбоэмболияси, ўткир юрак-қон томири етишмовчилиги оқибатида вафот этган.

Аввалроқ Ички ишлар вазирлиги ҳузуридаги Жазони ижро этиш департаментига қарашли 4-сонли тергов ҳибсхонасида сақланаётган маҳкум Пўлат Шамшетов (Қорақалпоғистон Республикаси ИИВ собиқ ходими) вафот этгани ҳақида хабар берилганди. Бош прокуратура бу хабарни тасдиқлаб, ўлим сабабини очиқлаган.

Қайд этилишича, ҳодиса жойи Бухоро вилояти прокурори раҳбарлигидаги тезкор-тергов гуруҳи, вилоят ИИБ бошлиғи, суд-тиббий экспертиза мутахассислари ва холислар иштирокида кўздан кечирилган.

Мазкур кўздан кечириш жараёнида Олий Мажлиснинг Инсон ҳуқуқлари бўйича (Омбудсман) Бухоро вилояти минтақавий вакили, Пўлат Шамшетовнинг адвокати ва яқин қариндошларининг ҳам иштироки таъминланган.

Ўлим сабабларини аниқлаш мақсадида суд-тиббий экспертизаси тайинланган. Суд-тиббий экспертизаси ишчи гуруҳининг дастлабки маълумотига кўра, марҳум ўпка артерияси тромбоэмболияси, ўткир юрак-қон томири етишмовчилиги оқибатида вафот этган.

“Ҳозирда Бухоро шаҳар прокуратураси томонидан терговга қадар текширув ҳаракатлари олиб борилмоқда”, дейилган БП хабарномасида.

Пўлат Шамшетовга 2 июль куни “одамларни оммавий тартибсизликларга жалб қилгани ва ўзи уларнинг фаол иштирокчиси бўлгани”га оид айблов қўйилганди.

Жорий йилнинг 31 январь куни Бухоро вилояти судида ўқиб эшиттирилган ҳукмга мувофиқ, Пўлат Шамшетов Жиноят кодексининг 244-моддаси 3-қисмида назарда тутилган жиноятни содир этганликда айбли деб топилган. Унга нисбатан ЖКнинг 45- ва 57-моддалари қўлланилиб, 3 йил мансабдорлик лавозимларида ва ички ишлар тизимида ишлаш ҳуқуқидан маҳрум қилинган ҳолда 6 йилга озодликдан маҳрум қилиш жазоси тайинланган эди.

“Юксалиш” ҳаракати раҳбари: Педофилларни кимёвий ва жисмоний бичиш амалиётини жорий қилиш бўйича шубҳага ўрин йўқ

Иллюстратив сурат

“Юксалиш” ҳаракати раҳбари Бобур Бекмуродов Ўзбекистонда педофилияда айбланиб, судланган шахслар 25 йил қамоқдан кейин ҳам жамиятга шунчаки қайтарилмаслиги керак, деган фикрда.

Ўз Telegram-каналидаги постида у “педофилия бу шунчаки жиноят эмас”лиги, балки “Халқаро касалликлар квалификациясига киритилган ўта оғир руҳий касаллик” эканига эътибор қаратган.

Унга кўра, педофилия ва жинсий жиноятлар учун энг оғир жазо берилиши ва қўшимча жазо чоралари киритилиши керак.

Бекмуродов педофилларга нисбатан “мажбурий даволаш, кимёвий ва жисмоний бичиш амалиётларини ҳам жорий қилишда шубҳа бўлмаслиги зарур”лигини таъкидлаган.

Ўзбекистонда педофилияга қарши жазо чораларини кескинлаштириш лозимлиги юзасидан баҳслар Тошкент шаҳрининг Янгиҳаёт туманида 31 январь куни 12 яшар қизчанинг мурдаси топилгани ортидан кучайди.

Ижтимоий тармоқларнинг ўзбек сегментида фойдаланувчиларнинг кўпи мамлакат қонунчилигида педофиллар учун берилажак жазо чоралари етарли эмаслигидан нолияпти. Айни пайтда айримлар мамлакатда суд мустақиллиги таъминланмагунича, бундай амалиётни жорий қилиш хатарли эканидан баҳс этишмоқда.

Мирзиёев қуёш энергиясидан фойдаланиш учун алоҳида ширкат тузилишини билдирди

Ўзбекистон президенти Шавкат Мирзиёев

Ўзбекистонда ижтимоий объектларда қуёш энергиясидан фойдаланиш учун алоҳида компания ташкил этилади. Бу ҳақда президент Шавкат Мирзиёев Андижонга қилган сафари чоғида билдирган.

Ўз сўзида президент янги ширкатга 200 миллион доллар маблағ берилиши, компания қуёш панеллари ва сув иситиш қурилмаларини ўзи ўрнатиши ҳамда бюджет корхонасига “яшил энергия” сотишини қайд этган.

Мамлакатда қуёш ва шамол станциялари лойиҳаларига алоҳида эътибор қаратиш зарурлигини таъкидлаган Мирзиёев жорий йилда Поп ва Фарғона туманларида 600 Мегаваттли 2 та қуёш станцияси қурилиши режалаштирилганини урғулаган. Айни пайтда у Андижонда 41 та, Наманганда 32 та ва Фарғонада 27 та микро гидроэлектр станция қуриш имконияти борлигини қўшимча қилган.

Ўзбекистонда электр таъминоти билан асосан “Ҳудудий электр тармоқлари” акциядорлик жамияти шуғулланиб келади. Аномал совуқ туфайли мамлакатда сўнгги уч ҳафта ичида кузатилаётган энергетик коллапс, хусусан электр таъминотидаги узилишлар ортидан ижтимоий тармоқларда мазкур ташкилот иши юзасидан кўплаб танқидий фикрлар айтилмоқда. Айни пайтда узлуксиз таъминот масаласини ҳал қилиш битта корхона фаолияти билан чекланмаслиги, муаммони комплекс ечим топиш юзасидан мулоҳазалар билдирилмоқда.

Мирзиёевнинг Андижондаги нутқидан келиб чиқиладиган бўлса, қуёш энергиясидан фойдаланиш бўйича ширкат “Ҳудудий электр тармоқлари” АЖ таркибига киритилмайди. Президент янги ташкил этилажак компания бошқарувига ва унинг фаолияти учун зарур ускуналар (хусусан, қуёш панеллар) сотиб олинишига қайси мутахассислар масъул бўлиши, харидлар нақадар шаффоф бўлиши каби масалаларга батафсил тўхталган эмас.

Қозоғистонда автобуси бузилиб қолган 30 дан зиёд ўзбекистонликка ёрдам кўрсатилди

Иллюстратив сурат

Қозоғистон ФВВ вакиллари Жамбил вилоятида автобуси бузилиб қолган 33 нафар ўзбекистонлик ва 18 нафар тожикистонликни қутқаришган.

Қозоғистоннинг Жамбил вилояти фавқулодда вазиятлар департаменти маълумотига кўра, ичида 51 нафар йўловчи бўлган автобус 1 февраль тонгида Жуали туманига қарашли Нурликент қишлоғи яқинида (Олмаота-Тошкент автойўлининг 570-километри) бузилиб қолган. Воқеа жойига етиб борган қозоғистонлик қутқарувчилар уларни қишлоқ маданият уйига олиб кетиб, иссиқ овқат билан таъминлашган.

Аниқланишича, ўзбек-қозоқ чегарасидан (Черняевка маскани) йўлга чиққан автобус Қозоғистон пойтахти Остонага кетаётган бўлган. Орасида мактаб ёшига етмаган 5 бола бўлган йўловчилар чоршанба оқшомида Чимкентдан чақирилган бошқа автобус билан кетаётган манзилларига кузатиб қўйилган.

Давомини ўқинг

XS
SM
MD
LG