Линклар

Шошилинч хабар
29 март 2024, Тошкент вақти: 02:02

Мирзиёев нон ишлаб чиқаришда харажатларини камайтиришга буйруқ берди


Шавкат Мирзиёев
Шавкат Мирзиёев

Ўзбекистон президенти матбуот хизматининг хабар беришича, президент Шавкат Мирзиёев 7 ноябрь куни ўтказилган видеоселектор йиғилишида мамлакатда нон ишлаб чиқариш харажатларини камайтириш бўйича топшириқ берди.

Президент топшириғи Ўзбекистонда 15 октябрдан бошлаб ун ва буғдой нархларининг эркинлаштирилиши ортидан кузатилмоқда.

Ўзбекистон Вазирлар Маҳкамасининг 2019 йил 14 октябрдаги қарорига мувофиқ, дон, ун ва нон етказиб бериш тизимига бозор механизмлари жорий этилган.

Шу билан бирга ижтимоий ҳимояга муҳтож аҳоли қатламини молиявий қўллаб-қувватлаш мақсадида ҳар бир нафақа олувчига ойига 50 минг сўмдан компенсация тўланмоқда.

Видеоселектор йиғилишида Ўзбекистоннинг айрим вилоятларида ноннинг нархи нисбатан юқорилигича қолаётгани кўрсатиб ўтилган.

Президент мамлакатнинг барча ҳудудларида аҳолининг нонга бўлган кунлик эҳтиёжини тўлиқ таъминлаб бориш бўйича вазифалар юклади.

XS
SM
MD
LG