Жорий йилнинг 1 октябридан Ўзбекистон пойтахтида аҳоли, ташкилот ва корхоналардан чиқинди олиб чиқиб кетиш бўйича тарифлар оширилади.
Маҳаллий оммавий ахборот воситаларининг “Махсустранс” ишлаб чиқариш бошқармаси маълумотларига таянган ҳолда хабар қилишларича, кейинги ойдан бошлаб Тошкентда яшаётган ҳар бири киши, пропискаси бор-йўқлигидан қатъий назар, ойига 2600 сўмдан тўлайди. Бу эса аввалги тарифдан 13 фоизга кўпдир.
Аввалги тариф бўйича Тошкентда чиқинди учун ҳар бир кишидан 2300 сўмдан ҳақ олинарди.