Ўзбекистон президенти Ислом Каримов 20 январь кунги фармони билан Олий Мажлис Сенатининг 16 нафар аъзосини тайинлади.
Бу ҳақда “12news.uz” нaшри хабар бермоқда.
Ўзбекистон Конституциясига мувофиқ, “Сенатнинг 16 нафар аъзоси фан, санъат, адабиёт, ишлаб чиқариш соҳасида ҳамда давлат ва жамият фаолиятининг бошқа тармоқларида катта амалий тажрибага эга бўлган ҳамда алоҳида хизмат кўрсатган энг обрўли фуқаролар орасидан Ўзбекистон Президенти томонидан тайинланади”.
Қолган 84 нафар сенатор эса Қорақалпоғистон Республикаси, вилоятлар ва Тошкент шаҳридан олти кишидaн, мaҳaллий ҳокимият вакиллик органлари депутатлари тарафидан сайланади.
Сенaторлaр сайлови 13-14 январь кунлари бўлиб ўтган эди. Сенатнинг ваколат муддати 5 йилдир.