Шу кунларда Жанубий Кореяда очилган янги масжидга Муҳаммад Содиқ Муҳаммад Юсуф номи берилди, дея хабар берди Ислом.уз портали.
Ўтган ҳафта очилган масжидга Ўзбекистондан имом-хатиб тайинланганди.
"... Кожедодаги ушбу масжид бундан буён шайх Муҳаммад Содиқ Муҳаммад Юсуф ҳазратларининг номлари остида расмий равишда фаолият кўрсатадиган бўлди," - дея таъкидланади Ислом.уз порталида.
Шайх Муҳаммад Содиқ Муҳаммад Юсуф ўтган ҳафта 62 ёшда Тошкентда вафот этди.
Шайх жанозасида 200 мингдан зиёд инсон қатнашгани хабар қилинади.
Ўзбекистоннинг илк муфтийси бўлган Муҳаммад Содиқ Муҳаммад Юсуф ҳаёти давомида 100дан зиёд китоб ёзган.