Ўзбекистон Фавқулодда вазиятлар вазирлиги СМС-хабарлари орқали мамлакат аҳолисини жорий ҳафта давомида ҳаво ҳарорати иссиқ бўлиши шароитида эҳтиёт чораларини кўриш ҳақида огоҳлантирмоқда.
12-19 июль кунлари мамлакат бўйлаб ҳаво ҳарорати кунудзи +44 даражага чиқиши кутилаётгани боис, “куннинг иссиқ соатларида салқинда бўлиш, енгил кийиниш, қуёш кўзойнаклари ва бош кийимидан фойидаланиш, уйда деразаларни ёпиб, салқин душ қабул қилиш” тавсия қилинади СМС-хабарларда.
Бундан ташқари, “жисмоний машқларни чеклаш, кўпроқ суюқлик ва меваларни истеъмол қилиш, ортиқча овқат ейишдан тийилиш ва юқори калорияли озиқ-овқатларни емаслик” ҳам тавсия этилади вазирлик йўллаётган қисқа хабарларда.
Ўзбекистонда сўнгги бир неча ҳафта давомида фавқулодда иссиқ ҳаво сақланиб қолмоқда. Айрим хабарларга кўра, баъзи минтақаларда ҳарорат 50 даражадан ошиб кетмоқда.