Ўзбекистон Республикасининг Россия Федерациясидаги муваққат ишончли вакили Равшанбек Алимов Ислом Каримовнинг Москвага режаланаëтган навбатдаги сафари икки давлат ўртасидаги муносабатлар ривожига янги туртки бўлажагини билдирди.
Алимовга кўра¸ Шанхай ҳамкорлик ташкилотининг Уфадаги саммити доирасида Владимир Путин Ўзбекистон президентини Москвага таклиф қилган ва ҳозирда икки давлат дипломатик идоралари ана шу сафарга ҳозирлик кўрмоқда.
Айни пайтда¸ ўзбек дипломати Каримовнинг қачон Москвага келишини очиқламади.
Айрим нашрларга кўра¸ Каримов жорий ой ичи Москвага келади ва ўтган ҳафта Москвада Ўзбекистон Ташқи ишлар вазири Абдулазиз Комилов россиялик ҳамкасблари билан ушбу сафарга тайëргарлик масалаларини муҳокама қилган.
Россия нашрларига кўра¸ Каримов-Путиннинг жорий ой кутилаëтган расмий учрашувида асосан Афғонистон¸ қолаверса¸ Сурия ва Ироқдаги уруш оқибатида Марказий Осиë хавфсизлигига кучайган таҳдидлар¸ шунингдек¸ иқтисодий ҳамкорлик истиқболлари муҳокама қилинади.