Ўзбекистон Ташқи миграция агентлиги 2015 йил давомида 2 минг 194 фуқарони Жанубий Кореяга ишга жўнатилганини маълум қилди.
Бу ишчилар Ўзбекистон Меҳнат ва аҳолини ижтимоий ҳимоя қилиш вазирлиги ҳамда Жанубий Кореянинг Бандлик ва меҳнат вазирлиги ўртасида 2012 йилнинг 13 декабрида эришилган меморандум асосида хорижда иш билан таъминланган.
Ўзбекистон Меҳнат ва аҳолини ижтимоий ҳимоя қилиш вазирлиги берган маълумотга кўра, 406 ўзбекистонлик Кореяга такрорий равишда ишга жўнатилган.