Тошкентда одам биринчи марта коинотга парвоз қилганининг 55 йиллигини нишонлаш доирасида Совет Иттифоқи қаҳрамони, жаҳонинг энг биринчи фазогири Юрий Гагаринга бронза бюст ўрнатилади.
Бюстни ўрнатиш ташаббуси РосссотрудничествонингЎзбекистондаги ваколатхонаси ва “Маданиятлар диалоги - Ягона дунё” халқаро ҳайрия ташкилоти томонидан кўтарилган. Бюст Тошкент политехника музейи биносига 12 апрель куни ўрнатилади.
Тошкентда бундан аввал Совет Иттифоқи даврини эслатувчи бир қатор ҳайкаллар, жумладан, Иккинчи Жаҳон урушига оид ёдгорликлар бузиб ташлангани ёки бошқа жойларга кўчирилгани хабар қилинган эди.