Ўзбекистон спортчилари 1 август куни XXXI ёзги Олимпия ўйинларида иштирок этиш учун Бразилиянинг Рио-де-Жанейро шаҳрига жўнаб кетди.
Бу ҳақда хабар тарқатган ўзбек нашрларига кўра, спортчиларни Олимпиадага кузатиш бўйича Тошкент аэропортида ўтказилган маросимга давлат, жамоат ва спорт ташкилотлари вакиллари, спортчиларнинг яқинлари ва журналистлар қатнашган.
Риодаги Олимпия ўйинларида спортнинг 13 тури бўйича чиқиш қиладиган Ўзбекистон терма жамоаси таркибига 70 спортчи кирган.
Ўзбек спортчиларига Риога “Ўзбекистон ҳаво йўллари”нинг махсус учоғида кетгани айтилмоқда.