РИА Новости агентлигининг Ўзбекистон Давлат Божхона қўмитасидаги манбага асосланиб хабар қилишича¸ Новосибирск-Наманган рейсида келган йўловчи қўлидаги сумкадан шоколад қоғозга ўралган 300 дона флеш-карта топилган.
Аноним манба иддаосича¸ бу флеш-карталарга исломий халифатни тарғиб қилувчи экстремистик руҳдаги материаллар жойланган бўлган.
Хабарда¸ бу воқеанинг қачон бўлгани айтилмаган¸ фақат ҳозирда воқеа юзасидан тергов жараëни бораëтгани қўшимча қилинган.
Расмийларга кўра¸ 2015 йил давомида божгирлар ва ҳуқуқ ходимлари 50 мингдан ошиқ диний-экстремистик руҳдаги материалнинг мамлакат ҳудудига олиб кирилишини тўхтатиб қолган.
Божгирлар иддаосича¸ кейинги йилларда экстремистик мазмундаги материалларни Ўзбекистонга¸ асосан¸ мобил телефонлар¸ ноутбук ва бошқа электрон воситалар ëрдамида олиб кириш уринишлари кучайган.