Ўзбекистонда 1 сентябрдан генетик модификацияланган организмли маҳсулотларни аниқлаш соҳасида давлатлараро уч стандарт жорий этилади. Бу ҳақда Ўзбекистон стандартлаштириш, метрология ва сертификатлаштириш агентлиги маълум қилади.
Агентлик маълумотига кўра, жорий этилаётган стандартлар ISO халқаро стандартларига айнан ўхшаш бўлиб, генетик модификацияланган организмларни ва ҳосила маҳсулотларни аниқлаш учун таҳлил усулларини ўз ичига олади.
Ҳозиргача Ўзбекистонда генетик модификацияланган организмли маҳсулотларни сертификатлаштириш бўйича ягона регламент бўлмаган.