Россия Давлат Думаси “очиқ трибуна” форматидаги йиғилишини Ўзбекистон президенти Ислом Каримов хотирасини бир дақиқалик сукут сақлаш орқали ёдга олиш билан боршлади, деб хабар берди Новости агентлиги.
Дума спикери Сергей Наришкин 8 сентябрь куни МДҲ ташкил этилганининг 25 йиллигига бағишланган “очиқ трибуна” йиғилишини бошлар экан: “Бир ҳафта аввал Ўзбекистон президенти Ислом Каримов вафот этди. У Ўзбекистоннинг мустақил давлат сифатида шаклланишига беқиёс ҳисса қўшди... Мен Ислом Абдуғаниевич Каримовнинг хотирасини бир дақиқа сукут сақлаш билан ёдга олишни таклиф қиламан”, деб таклиф киритди.
Ислом Каримовнинг ўлими ҳақида расман 2 сентябрда эълон қилинган. У 3 сентябрда Самарқандга дафн қилинди.