Ўзбекистон 2021 йилга келиб мамлакатда етиштирилган пахтани юз фоиз қайта ишлаш салоҳиятига эга бўлади.
Ўзбекистон иқтисодиёт вазирлигининг билдиришича, 2021 йилгача текстиль ва тикувчилик-трикотаж маҳсулотларини ишлаб чиқариш 2016 йилга нисбатан 2,2 баробарга, экспорт қилиш 2 баробарга кўпайтирилиши кутилмоқда.
Вазирликка кўра, бу мақсадга эришиш учун 2019 йилгача умумий қиймати 1 миллиард долларга тенг бўлган 77 лойиҳани, 2021 йилгача 2, 2 миллиард долларлик 140та лойиҳани амалга ошириш режалаштирилган.
Аввалроқ Ўзбекистон 2016 йилда етиштирилган пахта ҳосилининг 55 фоизини қайта ишлаш қудратига эга бўлгани хабар қилинган эди.