БМТнинг инсон хавфсизлиги Мақсадли фонди уч йил давомида Оролбўйи экологиясини ва бу ердаги аҳоли турмуш шароитини яхшилаш лойиҳасини амалга оширади.
12 январда тарқатилган хабарда айтилишича, лойиҳа Қорақалпоғистоннинг Мўйноқ, Тахтакўпир ва Шуманай туманларида амалга оширилади. Мазкур туманларда бугунги кунда 123 минг аҳоли яшамоқда.
Лойиҳада ЮНЕСКО, БМТ Аҳолишунослик жамғармаси ва БМТ Кўнгиллилар дастури иштирок этади.
“Мазкур дастур «пастдан-юқори"га тамойилига биноан амалга оширилиб, аҳолининг ўзига ҳамжамиятларда устувор вазифаларни аниқлаш имкониятини тақдим этади, шу билан бирга, ҳар бир инсоннинг маҳаллий даражада қарорлар қабул қилиш жараёнларида иштирок этишига алоҳида эътибор қаратилади”, дейилади хабарда.