Ўзбекистонлик теннисчи Денис Истомин кеча теннис спортининг сенсациясига айланди.
Жаҳон рейтингида 117-ўринда бўлган Истомин жаҳоннинг энг кучли теннисчиларидан бири сербиялик Новак Жоковични Австралия очиқ чемпионатининг иккинчи босқичида мағлубиятга учратди.
Ўзбекистон вакили жаҳон рейтингининг 2-поғонасини эгаллаб турган спортчи устидан 4 соат 48 минут давом этган матч давомида 3:2 ҳисобида ғалаба қилди.
Олти марта Australian Open чемпиони бўлган Новак Жакович ўз карьерасида биринчи марта жаҳоннинг кучли спортчилари юзталигига киритилмаган теннисчига мағлуб бўлмоқда.
Энди Истомин тўртинчи босқичга чиқиш учун испаниялик Пабло Карреньо-Буста билан куч синашади.
Australian Open деб аталадиган Австралия очиқ чемпионати 16 январь куни бошланган ва 29 январгача давом этади.