Ўзбекистон ва Россия тиббиёт марказлари ҳамкорлик тўғрисидаги шартномани имзолади.
Матбуот хабарларида айтилишича, Петербургдаги Алмазов номидаги тиббиёт маркази ва Республика кардиология маркази ўртасидаги келишув Ўзбекистон бош вазири ўринбосари, соғлиқни сақлаш вазири Адҳам Икромовнинг 27 январда Петербургга қилган сафари давомида имзоланган.
Ҳужжатда клиник, профилактик ва экспериментал кардиология соҳасида ҳамкорликдаги лойиҳаларни ишлаб чиқиш ва амалга ошириш учун илмий-таълимий ва тадқиқот муҳитини яратиш кўзда тутилган.