Бугун куннинг иккинчи ярмида Тошкентнинг Чилонзор туманида, «Мирзо Улуғбек» метро бекати яқинидаги бинода йирик ёнғин юз берди.
Бу ҳақда воқеа жойидан хабар хабар қилган kun.uz сайти мухбирига кўра, ёнғин Олий хўжалик суди биноларидан бирида рўй берган.
Бу ҳақдаги олдинги хабарларда ёнғин суд биноси ёнидаги бинода рўй бергани айтилганди. Аланга чиққан вақтда бино ичида одамлар бўлгани, айнан қанча одам бўлгани аниқ эмаслиги, ёнғин туфайли жабрланганлар бўлиши мумкиноиги айтилди.
Ёнғин сабаби номаълум қолмоқда. Ёнғин келтирган талофатлар миқдори ҳам маълум эмас.
Эслатиб ўтамиз, 21 февраль куни Ўзбекистонда Олий суд ва Олий хўжалик суди бирлаштирилиб, ягона олий орган ташкил этилиши ҳақида маълум бўлганди. Яъни, бугун биноси ёнган Олий хўжалик суди тугатилди.