Қозоғистонлик тадбиркорлар Ўзбекистонлик ҳамкасбларига Россия ҳамда Хитой бозорини тўлдиришда ҳамкорлик таклиф қилди. Бу ҳақда 27 март куни “Казинформ”га таянган ҳолда ўзбек матбуоти хабар тарқатди.
“Қозоғистон ва Ўзбекистонлик тадбиркорларнинг ҳамкорлиги бу бозорларга чиқиш учун катта имконият яратади”, деб иқтибос келтиради “Казинформ” “Атамекен” тадбиркорлар Миллий палатаси бошқаруи раиси ўринбосари Нуржан Алтаевнинг ўзбек-қозоқ бизнес форумида сўзлаган нутқидан.
Унга кўра, бугунги кунда Ўзбекистонда қозоқ капитали мавжуд бўлган 230 корхона, Қозоғистонда эса Ўзбекистон билан ҳамкорликда ташкил этилган 130 корхона фаолият юритмоқда.
Бизнес форум президент Мирзиёевнинг Остонага 22-23 март кунлари қилган давлат ташрифи доирасида ўтказилди.
Остонада қозоқ ва ўзбек бизнесменлари ўртасида умумий қиймати 1 миллиард долларга тенг бўлган 92та шартнома имзоланган.