Қозоғистон расмийлари келаси уч кун ичида Остонада баҳорги тошқин юз бериш эҳтимоли кучлилигини эълон қилди.
Ҳукумат мажлиси давомида бу масалага тўхталган мамлакат Бош вазири ўринбосари Асқар Мирзахметовга кўра¸ тошқин эҳтимолини бартараф этиш мақсадида Ўзбекистон Қозоғистон ҳудудидаги сув омборларидан ортиқча сувни қабул қилишга тайëрлигини билдирган.
"Казгидромет" берган маълумотни тақдим этган Мирзахметов¸ ҳозирда Қозоғистон сув омборларида 2 миллиард куб метр сув борлиги¸ Чордарага яна 500 миллион куб метр сув тушиши кутилаëтганини тилга олди.
Ҳозирча ҳеч қандай таҳдид йўқлигини айтган Бош вазир ўринбосари¸ бундай эҳтимол кучайиши билан ўзбек томони билан келишувга мувофиқ¸ ортиқча сув Ўзбекистонга оқизилишини таъкидлади.
Айни пайтда¸ шимолий Қозоғистондаги Ақмола¸ Павлодар¸ Қўстанай¸ Қарағанда каби қатор областлари ҳудудида 19 апрель куни рўй берган кучли сув тошқини оқибатида 2000 дан ошиқ бино бузилган¸ минглаб одам эвакуация қилинган.
Маҳаллий аҳоли¸ тошқин оқибатида олти одамнинг нобуд бўлганини айтмоқда¸ бироқ расмийлар инсоний талофат йўқлигини таъкидламоқда.