Қирғизистоннинг Жалолобод вилоятида чегарачилардавлат чегарасидан ўтиш тартибини бузган Ўзбекистон ватандошини қўлга олдилар.
Қирғизистон давлат чегара хизматининг маълум қилишича, 1964 йилда туғилган Д.Н. ўзбек-қирғиз чегараси яқинидаги Новкен туманининг Тошқўрғон қишлоғи чеккасида ушланган. Унинг давлат чегарасини айланиб ўтгани аниқланган.
Қирғиз чегарачиларига кўра, ёнида шахсини тасдиқловчи ҳужжат бўлмаган чегара бузувчи ўзбекистонлик пул топиш учун Бишкекка кетаётганини айтган.
Воқеа жойида тегишли ҳужжатлар расмийлаштирилгач, Ўзбекистон ватандоши Д.Н. Қирғизистон Ички ишлар вазирлигининг ҳудудий бўлинмаси ходимларига ўтказиб берилган.