“Ўзбеккино” миллий агентлиги раҳбари Отабек Мусаев ўз лавозимидан озод қилинди. "Девона фаришта", "Қўрғошин" ва "Жодугар" фильмларида ўйнаб танилган артист Отабек Мусаев 2016 йил январида бу лавозимга тайинланган эди.
“Ўзбекистон 24” телеканалининг 20 август куни хабар беришича, Мусаевнинг ўрнига шу кунгача Илмий оммбоп ва ҳужжатли фильмлар киностудиясини бошқариб келган Фурқат Зокиров тайинланган.
Бундан ташқари “Жаҳон адабиёти” журналининг бош муҳаррири Шуҳрат Ризаев “Ўзбеккино” раҳбарининг биринчи ўринбосари бўлди.
Президент Мирзиёев 3 август куни ижодкорлар билан учрашуви чоғида “Ўзбеккино” 2020 йилгача йилига камида 30та сифатли бадиий фильм ва 50та мультфильм ишлаб чиқаришни йўлга қўйиши тўғрисида кўрсатма берган эди.
Мазкур учрашувда маданият ва соҳасидаги айрим камчиликлар президент томонидан танқид қилинган эди.