Қирғизистондаги Акипресс агентлигининг 12 октябрь куни хабар қилишича¸ президент Алмазбек Атамбаев Ўзбекистон билан ҳал қилинмай қолган чегаралар демаркациясига оид келишувнинг 1 декабрга қадар имзоланиши мумкинлигини билдирган.
Қирғизистон президенти бу баëнотни Ўш шаҳрида ФИФА футбол академияси очилиши маросимида қилган нутқида такрорлаган.
Ўзбекистон-Қирғизистон чегарасининг узунлиги 1378 километрни ташкил этади.
Президент Мирзиёев давлат ташрфи билан 5 сентябрда Бишкекка борганида мазкур чегаранинг 1170 километри аниқланиб бўлингани тўғрисидаги ҳужжат имзоланган эди.
Қирғизистон президенти иккала давлат чегаранинг аниқланиб бўлинган қисми ҳақидаги шартномани ратификация қилиш тўғрисидаги қонунни имзолаганидан сўнг 6 октябрь куни ҳам айни шу мазмунда баëнот берган эди.