Ўзбекистон чегарачилари 2018 йилнинг январь ойида 80 нафар чегарабузарни қўлга олди. Бу ҳақда Podrobno.uz давлат чегарасини қўриқлаш бўйича қўмитага таянган ҳолда хабар берди.
Чегарабузарларнинг 42 нафари Қозоғистон, 28 нафари Қирғизистон, 5 нафари Афғонистон,3 нафари Туркманистон ва 2 нафари Тожикистон билан чегараларда қўлга олинган.
Бундан ташқари чегарачилар томонидан 1,1 миллиард сўмлик контрабанда маҳсулотлари ушлаб қолинди.
“Контрабанда маҳсулотларининг барчаси Қирғизистоy билан чегарада ушланди. Асосан контрабандачилар мамлакатга оргтехника, дори-дармон, рангли меттал ва диний адабиётни ноқонуний йўл билан олиб киришга ҳаракат қилган", дейилади расмий баёнотда.