Қозоғистон расмий нашрларига кўра¸ Қозоғистоннинг Ўзбекистондаги элчиси Эрик Утембаев Ўзбекистон миллий телерадиокомпанияси раҳбари Алишер Хўжаев билан учрашиб¸ икки давлат учун умумий ахборот ҳудуди яратиш масаласини муҳокама қилган.
Бундай ҳудуд¸ хусусан¸ ҳар икки мамлакатда эфирга узатиладиган теле ва радиодастурлар ҳозирлаш режасини ўз ичига олади¸ дейилади бу ҳақдаги хабарларда.
Учрашувда¸ умумий ахборот ҳудуди яратиш мақсадида йўл харитаси ишлаб чиқишга келишиб олинган.
Йўл харитасида биргаликда илмий-маърифий ва ахборот дастурлари ҳозирлаш ва ҳар иккала мамлакатда эфирга узатиш тафсилотларининг ишлаб чиқилиши кутилмоқда.
Қозоғистон элчисига кўра¸ икки қўшни давлат муштарак радио очиш имконини ҳам кўриб чиқади.