Вашингтон Москвага нисбатан янги санкциялар жорий этгани оқибатида Россия акция бозори капитализацияси бир кунда 7 фоизга озайиб, 2 триллион 700 миллиард рубль зиён кўрилди.
“Ведомости” нашрининг ёзишича, 9 апрель куни Москва биржасида ўтказилган савдо мана шундай кўрсаткич билан якунланди.
Аввалроқ санкциялар туфайли россиялик энг бадавлат 50 киши бир кунда 12 миллиард доллар йўқотгани хабар қилинган эди.
6 апрель куни Қўшма Штатлар Россиянинг бир қатор хавфсизлик хизматлари раҳбарлари, сиёсатчилари ва олигархларига нисбатан активларини ҳаракатдан тўхтатиш чорасини қўллаган ва молиявий чекловлар жорий қилган эди.
Улар Путинга яқин кишилар сифатида кўрилади. АҚШ Молия вазирлиги санкциялар сабабини Москвани “бутун дунёдаги зарарли фаолияти” учун жазолаш деб тушунтирди.