Британия Ўзбекистондаги нефть ва газ лойиҳаларини 1 миллиард 250 минг фунт стерлинг миқдорида молиялаштиради.
Бу борадаги меморандум 18 апрель куни Лондонда ўтган биринчи ўзбек-британ энергетика форуми доирасида Ўзбекистон қайта қуриш ва ривожлантириш жамғармаси ҳамда Британия экспортни молиялаштириш агентлиги томонидан имзоланди.
Расмий маълумотда айтилишича, икки кунлик форумда Ўзбекистондаги нефть ва газ соҳаси бўйича амалга оширилиши режалаштирилган инвестициявий лойиҳаларни молиялаштириш, янги замонавий технологияларни жалб қилиш масаласи муҳокама этилган.
Томонлар бундай форумларни мунтазам асосда Лондонда ва Тошкентда ўтказиб туришга келишиб олганлар. Кейинги форумаларга Британиядан ташқари бошқа Европа ширкатларини ҳам таклиф қилиш режалаштирилмоқда.