Тошкентнинг Яшнобод тумани Қорасув кўчасидан 2-Қорасув ва Элбек кўчалари бўйлаб Дўстлик метро бекатигача бўлган ҳудудда жорий йил 10 майидан 2019 йил 31 январигача барча турдаги транспорт воситалари ҳаракати вақтинчалик чекланади. Бу ҳақда маълумот тарқатган Тошкент шаҳар ҳокимлиги Ахборот хизмати буни мазкур ҳудудда “Ўзбекистон темир йўллари” АЖ ерусти темир йўл қурилиш монтаж ишларини бошлаши билан изоҳлаган.
Барча турдаги транспорт воситалари ҳаракати чекланган кўчаларни айланиб ўтиш учун жамоат транспортининг ҳаракат йўналишларига вақтинчалик ўзгартиришлар киритилиши билдирган ҳокимлик вақтинчалик ноқулайликлар учун йўл ҳаракати иштирокчиларидан узр сўраган.