Ўзбекистон президенти Шавкат Мирзиёевнинг Вашингтонга ташрифи чоғида қиймати 4 миллиард долларга тенг шартномалар имзоланиши кутилмоқда. Бу ҳақда АҚШ-Ўзбекистон Савдо палатаси раҳбари Кэролин Лэмм маълум қилган.
- 15 май куни савдо-сотиқ, тижорат ва инвестиция соҳаларида умумий қиймати 4 миллиард доллар бўлган шартномалар имзоланиши режаланмоқда, - деди Кэролин Лэмм "Ўзбекистон-24” телеканалига берган суҳбатида.
Савдо палатаси раиси фикрича, нефть-газ ҳамда рангли металлургия соҳалари иқтисодиётдаги икки томонлама ҳамкорликнинг энг истиқболли йўналишлари бўлиб ҳисобланади.
Ўзбекистон президенти Ш.Мирзиёев 15-17 май кунлари расмий ташриф билан АҚШга сафар қилиши кутилмоқда.