“Ўзбекистон ҳаво йўллари” миллий авиаширкати Россияда давом этаётган футбол бўйича жаҳон чемпионатида иштирок этаётган терма жамоалар ва уларнинг ишқибозларига хизмат кўрсатишда давом этмоқда.
“Газета уз” нашрининг билдиришича, ширкат 7 июлда Лондондан Самарага Англия терма жамоасининг 240 нафар ишқибозини олиб келган. Футбол матчи якунлангач, уларни Самарадан Лондонга олиб борган.
Бундан ташқари Ўзбекистон ширкати Франции, Уругвай, Мексика терма жамоалари буюртмаси билан Сочидан Қозонга, Москвадан Мексикага ва Польшага қатор парвозларни амалга оширган.
21 июнь куни “Ўзбекистон ҳаво йўллари” ўзининг расмий сайтида Россияда ўтаётган футбол бўйича жаҳон чемпионати даврида Колумбия терма жамоасига хизмат кўрсатишини билдирган эди.
Колумбия футбол федерацияси чемпионат якунлангунига қадар “Ўзбекистон ҳаво йўллари” самолётларини миллий терма жамоани, маъмурий вакилларни, мухлисларни ҳамда футболчиларнинг оила аъзоларини ташиши учун ёллаган.