Тошкент ва Бишкек расмийлари давом этаëтган делимитация жараëнида ўзаро ер участкаларини айирбошлаш¸ хусусан¸ Қирғизистоннинг Барак эксклавини унга тенг сатҳли ер эвазига Ўзбекистонга бериш ҳақида келишувга эришди.
Бу ҳақда Россиянинг Интерфакс агентлигига маълумот берган Қирғизистон расмийларининг айтишича¸ Ўш вилоятининг Қорасув районига қарашли бўлган Барак эксклави ўрнига Ўзбекистон томони Қорасувдаги Ақташ қишлоғига туташ ҳудуддан унумдор ер ажратади.
Ўзаро чегарадаги ўтиш-қайтиш муаммоларидан чарчаган маҳаллий аҳоли¸ қирғиз расмийларига кўра¸ бундай айирбошлашга рози бўлган.
Андижоннинг Қўрғонтепа районига туташ Барак эксклави ҳудуди 230 гектарни ташкил этади ва бу ҳудудда 30 оила яшаëтгани айтилади.
Айтилишича¸ ўзбек-қирғиз давлат чегарасини делимитация қилиш жараëнини 2019 йил охирига қадар тугатиб¸ демаркация жараëнини бошлаш режаланмоқда. Ҳозиргача икки давлат ўртасидаги 1387 километрлик чегаранинг 85 фоизи делимитация қилинган.