Суриядаги рус ҳарбийлари БМТ тинчликпарвар кучларига Исроил томонидан босиб олинган Голан тепаликларини тўлиқ назоратга олиш йўналишида кўмаклашади. Россия Мудофаа вазирлиги расмийси генерал-лейтенант Сергей Кураленко бу ҳақда 14 август куни Москвада ўтказилган матбуот анжуманида билдирди.
Унга кўра, Исроил бош вазири Бинямин Нетаняҳу ва президент Владимир Путининнг 11 июлда Москвада ўтган учрашуви чоғида, Нетеняҳу Россиядан АҚШ билан ҳамкорликда Исроил хафсизлигини таъминлаш йўлидаги кафолатчилардан бири бўлишни илтимос қилган.
«Голан тепаликларини БМТ тинчликпарвар кучлари билан биргаликда назорат қилаётган Россия ҳарбий полицияси амалиётлари Исроил хавфсизлигини таъминлашга хизмат қилади», -деди генерал.
Сурияда уруш бошлангани ортидан 7 йил олдин тинчликпарвар кучлар мазкур ҳудудни тарк этишга мажбур бўлган эди. БМТ кучлари Голан тепаликларига шу йилнинг август ойининг бошларида қайтган.
Россия Мудофаа вазирлиги расмийси, генерал -лейтенант Сергей Рудской 2 август куни Москвада ўтган матбуот анжуманида мазкур ҳудуд назоратини Россия ҳарбий полицияси БМТ тинчликпарвар кучлари билан ҳамкорликда амалга ошираётганини айтди.
Унга кўра, Суриянинг Сувайда, Дераа ва Кунейтра вилоятларида “Ислом давлати” гуруҳи бира тўла тор-мор этилганини ва бу вилоятлар назорати ҳукумат кучлари қўлига ўтганини БМТ тинчликпарвар кучларининг минтақага қайтишига омил яратган.
БМТ тинчликпарвар кучлари Сурия ва Исроил ўртасида бир неча маротаба уруш бўлганидан сўнг вазиятни барқарорлаштириш мақсадида 1974 йилда Голан тепаликларига киритилган эди.