Давлат котиби Майк Помпео 16 августда АҚШнинг Эрон бўйича сиёсатини мувофиқлаштирувчи махсус вакил лавозими таъсис этилганини эълон қилди. Помпеонинг билдиришича, бу лавозимга Давлат департаментининг сиёсатни режалаштириш бўйича директори Брайан Хук тайинланди.
-Ажойиб кунларнинг бирида Эрон билан янги шартномага эришамиз, деб умид қиламиз. Лекин бунинг учун даставвал биз Эрон режими мамлакат ичкарисида ҳам, ташқарида ҳам ўзгараётганига ишончимиз комил бўлиши керак, - деди Помпео.
Давлат котибига кўра, Эрон бўйича сиёсатни мувофиқлаштирувчи гуруҳ Теҳроннинг ядровий қурол яратиш интилишларига, террорчиликни қўллаб-қувватлаётганига қарши ҳаракатларни кучайтиришга кўмаклашиши зарур.
АҚШ президенти Дональд Трамп 7 август куни бутун дунёни Эрон билан ҳамкорлик қилмаслика чақирди. Шу куни Вашингтон Эронга “энг оғир санкциялар” жорий қилди.