Ўзбекистон ҳукумати мамлакатдаги аҳоли пунктларида ичимлик суви ва канализация тизимларини янада яхшилаш чора-тадбирлари тўғрисидаги қарор қабул қилди.
Адлия вазирлиги Телеграм каналида хабар қилинишича, мазкур қарор билан 2018–2019 йилларда Андижон, Бухоро, Жиззах, Қашқадарё, Навоий, Наманган, Самарқанд, Сурхондарё, Сирдарё, Тошкент ва Фарғона вилоятларида ичимлик сув таъминоти ва канализация тизимларини қуриш ва реконструкция қилиш дастури тасдиқланган.
Хабарда айтилишича, дастурни амалга ошириш учун 705 251 млн сўм қийматидаги маблағ ажратилиши кўзда тутилган.