Таниқли журналист Шароф Убайдуллаев Ўзбекистон фахрийларининг ижтимоий фаолиятини қўллаб-қувватлаш “Нуроний” жамғармаси раисининг ўринбосари этиб тайинланди.
Убайдуллаев жамғарма Васийлик Кенгашининг 12 сентябрь кунги кенгайтирилган мажлисида мазкур лавозимга тайинланган.
Журналистик фаолиятини совет Ўзбекистонида бошлаган Шароф Убайдуллаев¸ 80-йилларда "Тошкент оқшоми" - "Вечерный Ташкент" газетаси ва "Ўзбекистон" нашриëтининг бош муҳаррири бўлган¸ мустақилликдан сўнг Ислом Каримов матбуот хизматида ишлаган.
75 яшар Убайдуллаев OzodNazar рукнидаги танқидий-таҳлилий чиқишлари билан Озодлик муштарий ва тингловчиларига яхши таниш.