Ўзбекистон Республикаси Олий Мажлиси Қонунчилик палатаси Матбуот хизматининг хабар қилишича¸ 10-11 декабрь кунги «қизғин мунозаралар»дан сўнг депутатлар солиқ ва бюджет сиëсатига оид қонун лойиҳасини қабул қилган.
«Ҳукумат томонидан киритилган қонун лойиҳасининг номи унинг мазмунига мослаштирилди, яъни “Солиқ ва бюджет сиёсатининг 2019 йилга мўлжалланган асосий йўналишлари қабул қилинганлиги муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида” деб ўзгартирилди»¸ дейилади расмий хабарда.
(Ҳукумат тақдим қилган лойиҳа ўзгартирилгунга қадар «2019 йилга бюджет-солиқ сиёсати Концепцияси ва 2020-2021 йилларга прогноз мўлжаллари қабул қилиниши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида» деб номланган – таҳр.)
Мазкур қонун лойиҳаси эндиликда 13 декабрь куни иш бошлайдиган Олий Мажлис Сенатининг ўн еттинчи ялпи мажлиси муҳокамасига қўйилади.