Қашқадарёнинг Қарши шаҳрида янги туғилган чақалоғини сотишга уринган аёл қўлга олинди.
Қарши ички ишлар ходими Жамол Шароповга таяниб хабар қилаётган Gazeta.uz нашрига кўра, Қамаши туманидан бўлган қиз "енгилтаклиги оқибатида ҳомиладор бўлиб қолган" ва ҳали туғилмаган боласини қаршилик бефарзанд аёлга сотишга келишган.
Маълум бўлишича, бефарзанд аёл янги туғилган чақалоқ учун 1 миллион сўм пул ва бир дона қизил гиламни берган.
"Қолган бир миллион сўм эса нотариус орқали болани расмийлаштириб олишганидан сўнг берилиши айтилди. Она эса ўйламай-нетмай боласи эвазига олинган ҳамма пулни ўз эҳтиёжи йўлида ишлатиб юбораверди", деб хабар қилади Gazeta.uz нашри.
Айтилишича, мазкур ҳолат бўйича Қарши шаҳар ИИБ тезкор суриштирув ишларини ўтказиб, жиноят иши қўзғатган.