Самарқанд вилоят, Ургут туман, Дўстлик маҳалласи, Янгиариқ кўчасидаги 89-уйда 2 февраль, тунги соат 2 дан ўтганда бошланган ёнғинни ўчириш давомида уй эгасининг 1980 ва 1986 йилларда туғилган фарзандлари, 1993 йилда туғилган келини, 2013 ва 2018 йилларда туғилган набираларининг куйган ҳолдаги жасадлари топилган.
Бу ҳақда Ёнғин хавфсизлиги хизмати хабар қилди.
Ёнғинни ўчириш жараёнида 89-уй эгаси, унинг хотини, қизи ва икки набираси қутқарилган.
"Ёнғин ҳолати юзасидан терговга қадар текширув олиб борилмоқда. Ёнғин сабаби ва моддий зарар миқдори аниқланмоқда", дейилган хабарда.